ତେଲେଙ୍ଗାନା: ମଙ୍ଗଳବାର ସନ୍ଧ୍ୟାରେ ତେଲେଙ୍ଗାନାର ୟଦାଦ୍ରି-ଭୁବନଗିରି ଜିଲ୍ଲାର କାଟେପାଲି ଗାଁରେ ଏକ କାରଖାନାରେ ବିସ୍ଫୋରଣ ଘଟିଥିଲା। କାରଖାନାରେ ବିସ୍ଫୋରଣରେ ତିନି ଜଣଙ୍କର ମୃତ୍ୟୁ ହୋଇଥିଲା ଏବଂ ସମାନ ସଂଖ୍ୟାରେ ଲୋକ ଆହତ ହୋଇଥିଲେ। ପୋଲିସ କହିଛି ଯେ ବିସ୍ଫୋରଣ ଏକ ୟୁନିଟରେ ହୋଇଥିଲା ଯେଉଁଠାରେ ପ୍ରୋପେଲାଣ୍ଟ ତିଆରି ହୁଏ। ସେ କହିଛନ୍ତି ଯେ ବିସ୍ଫୋରଣ କିପରି ହେଲା ତାହା ତୁରନ୍ତ ସ୍ପଷ୍ଟ ହୋଇନାହିଁ।

ସୂତ୍ର ଅନୁଯାୟୀ କାରଖାନାଟି ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ (DRDO) ସମେତ ପ୍ରମୁଖ ସଂଗଠନ ପାଇଁ ବିସ୍ଫୋରକ ତିଆରି କରିଆସୁଛି। ଅଗ୍ନିଶମ ବିଭାଗର ଜଣେ ଅଧିକାରୀଙ୍କ ସୂଚନା ଅନୁଯାୟୀ, ମଙ୍ଗଳବାର ସନ୍ଧ୍ୟା ୬.୪୦ରେ କାରଖାନାରେ ବିସ୍ଫୋରଣ ସମ୍ପର୍କରେ ସୂଚନା ମିଳିଥିଲା, ଯାହା ପରେ ଘଟଣାସ୍ଥଳକୁ ଦୁଇଟି ଅଗ୍ନିଶମ ଗାଡ଼ି ପଠାଯାଇଥିଲା। ଅଗ୍ନିଶମ ବାହୀନି ମାନେ ଆସିଲା ବେଳକୁ ନିଆଁ କମିଯାଇଥିଲା, କିନ୍ତୁ ବିସ୍ଫୋରଣର ତୀବ୍ରତା ଯୋଗୁଁ କୋଠାଟି ସମ୍ପୂର୍ଣ୍ଣ ଭୁଶୁଡ଼ି ପଡ଼ିଥିଲା। କାରଖାନାର ୧୮ଏ ବ୍ଲକରେ ବିସ୍ଫୋରଣ ଘଟିଥିଲା। ସେହି ସମୟରେ ବ୍ଲକରେ ଛଅ ଜଣ କର୍ମଚାରୀ ଥିଲେ। ବିସ୍ଫୋରଣ ଯୋଗୁଁ ବ୍ଲକ ୧୮ଏ କୋଠାଟି ଭୁଶୁଡ଼ି ପଡ଼ିଥିଲା। ଆହତଙ୍କୁ ଏକ ସ୍ଥାନୀୟ ଡାକ୍ତରଖାନାକୁ ନିଆଯାଇଥିଲା।