ଖୁଲମଖୁଲ୍ଲା ଦିଲ୍ଲୀ ରାସ୍ତାରେ ବୁଲୁଛି ମହାବଳ ବାଘ । ଗାଁ ଛାଡ଼ି ଏବେ ସହରରେ ମଧ୍ୟ ଆତଙ୍କ ଖେଳାଉଛି ବାଘ । ଏଭଳି ଏକ ଘଟଣା ଦେଖିବାକୁ ମିଳିଛି ରାଜଧାନୀ ଦିଲ୍ଲୀର VIP ଅଞ୍ଚଳ ସୈନିକ ଫାର୍ମ ରାସ୍ତାରେ । ସୂଚନା ଅନୁଯାୟୀ, ଶନିବାର ସକାଳେ ସେଠାରେ ରହୁଥିବା ଲୋକମାନେ ଏକ ବାଘକୁ ରାସ୍ତାରେ ବୁଲିବାର ଦେଖିଥିଲେ । ଏହାପରେ ଭୟବିତ ହୋଇ ପଡ଼ିଥିଲେ ସ୍ଥାନୀୟ ଲୋକେ । ଏହାପରେ ଲୋକେ ତୁରନ୍ତ ଦିଲ୍ଲୀ ପୋଲିସ ଏବଂ ଜଙ୍ଗଲ ବିଭାଗକୁ ସୂଚନା ଦେଇଥିଲେ । ଘଟଣାସ୍ଥଳରେ ପୋଲିସ, ବନ ବିଭାଗ ପହଞ୍ଚି  ତୁରନ୍ତ ସକ୍ରିୟ ହୋଇ ବାଘକୁ ଖୋଜିବାକୁ ଆରମ୍ଭ କରିଥିଲେ ।