ମଧ୍ୟପ୍ରଦେଶ ରାଇସେନ ଜିଲ୍ଲା ସୁଲତାନପୁରରେ ଅଞ୍ଚଳରେ ଘଟିଛି ଏକ ହୃଦୟବିଦାରକ ଘଟଣା । ହସଖୁସିରେ ବିତୁଥିବା ସମୟ କିଛି ସମୟ ପରେ ଦୁଃଖରେ ପରିଣତ ହୋଇଗଲା । ଘଟଣାରେ ବରଯାତ୍ରୀଙ୍କ ଉପରେ ମାଡ଼ିଗଲା ଟ୍ରକ । ଯାହାଫଳରେ ୬ ଜଣଙ୍କର ମୃତ୍ୟୁ ହେବାସହିତ ପ୍ରାୟ  ୧୦ ଜଣ ଆହତ ହୋଇଛନ୍ତି ।

ସୂଚନା ଅନୁସାରେ, ମଧ୍ୟପ୍ରଦେଶ ରାଇସେନ ଜିଲ୍ଲାରେ ଗୋଟେ ବରଯାତ୍ରୀ ରୋଷଣୀ କରି ନର୍ମଦାପୁରରୁ ଆସୁଥିବାବେଳେ ସୁଲତାନପୁରରେ ବରଯାତ୍ରୀଙ୍କ ଉପରେ ମାଡ଼ିଯାଇଥିଲା ଟ୍ରକ । ହସଖୁସିରେ ନାଚୁଥିବା ବରଯାତ୍ରୀମାନେ କିଛି ସମୟ ପରେ ଚିତ୍କାର କରିଉଠିଲେ । ହସଖୁସିରେ ଫାଟିପଡୁଥିବା ସ୍ଥାନ କାନ୍ଦରେ ପରିଣତ ହୋଇଯାଇଥିଲା । ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହେବାସହିତ ପ୍ରାୟ  ୧୦ ଜଣ ଆହତ ହୋଇଛନ୍ତି । ଟ୍ରକଟି ଦ୍ରୁତ ଗତିରେ ଆସି ବରଯାତ୍ରୀଙ୍କ ଉପରେ ଚଢ଼ିଯାଇଥିଲା । ଯାହାଫଳରେ ଏତେ ବଡ଼ ଦୁର୍ଘଟଣା ଘଟିଯାଇଛି । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

ଆଗକୁ ପଢ଼ନ୍ତୁ : ଖୁବ ଶୀଘ୍ର ଗିରଫ ହେବ ଅଭିଯୁକ୍ତ, ସୂଚନା ଦେଲେ କର୍ଣ୍ଣାଟକର ଗୃହମନ୍ତ୍ରୀ