ନୂଆଦିଲ୍ଲୀ: ଚାମ୍ପିୟନ୍ସ ଟ୍ରଫି-୨୦୨୫ର ହାଇଭୋଲଟେଜ୍ ମ୍ୟାଚରେ ରବିବାର ଭାରତ ଓ ପାକିସ୍ତାନ ମୁହାଁମୁହିଁ ହେବେ। ଟିମ୍ ଇଣ୍ଡିଆ ଏହି ମ୍ୟାଚ୍ ଜିତି ସେମିଫାଇନାଲରେ ପ୍ରବେଶ କରିବାକୁ ଲକ୍ଷ୍ୟ ରଖିଥିବା ବେଳେ ପାକିସ୍ତାନ ଆଗରେ ଟୁର୍ଣ୍ଣାମେଣ୍ଟରେ ରହିବାର ଚ୍ୟାଲେଞ୍ଜ ରହିଛି। ପାକିସ୍ତାନ ତା'ର ପ୍ରଥମ ମ୍ୟାଚ୍‌ରେ ନ୍ୟୁଜିଲାଣ୍ଡଠାରୁ ୬୦ ରନ୍‌ରେ ପରାସ୍ତ ହୋଇଛି। ସେପଟେ ବାଂଲାଦେଶକୁ ପରାସ୍ତ କରି ଅଭିଯାନ ଆରମ୍ଭ କରିଛି ଭାରତୀୟ ଦଳ। ଯଦି ପାକିସ୍ତାନ ଆଜି ଭାରତଠାରୁ ହାରିଯାଏ, ତା'ହେଲେ ଟୁର୍ଣ୍ଣାମେଣ୍ଟରୁ ବିଦାୟ ନେବା ପ୍ରାୟ ନିଶ୍ଚିତ ହୋଇଯିବ।

ନ୍ୟୁଜିଲାଣ୍ଡଠାରୁ ହାରିବା ପରେ ନ୍ୟୁଜିଲାଣ୍ଡ ଦଳ ଗ୍ରୁପ୍ 'ଏ'ରେ ୨ ପଏଣ୍ଟ ହାସଲ କରିଥିବା ବେଳେ ପାକିସ୍ତାନ ଦଳକୁ କିଛି ମିଳିନଥିଲା। ପାକିସ୍ତାନ ପଏଣ୍ଟ ଟେବୁଲରେ କ୍ଷତିଗ୍ରସ୍ତ ହୋଇଛି ଏବଂ ପ୍ରଥମ ମ୍ୟାଚ୍ ପରେ ସେମାନଙ୍କ ନେଟ୍ ରନ୍ ରେଟ୍ -୧.୨୦୦କୁ ଖସି ଆସିଛି। ଅର୍ଥାତ୍ ଗୋଟିଏ କଥା ନିଶ୍ଚିତ ଯେ ପାକିସ୍ତାନ ପାଇଁ ଏଠାରୁ ସେମିଫାଇନାଲରେ ପହଞ୍ଚିବା କଷ୍ଟକର ମନେ ହେଉଛି। ଯଦି ପାକିସ୍ତାନ ଆଜି ଟିମ୍ ଇଣ୍ଡିଆଠାରୁ ହାରିଯାଏ, ତା'ହେଲେ ସେମାନେ ବାଦ୍ ପଡ଼ିବେ।

ତା'ପରେ ପାକିସ୍ତାନକୁ ନ୍ୟୁଜିଲାଣ୍ଡ ତା'ର ଅବଶିଷ୍ଟ ମ୍ୟାଚ୍ ହାରିବା ପାଇଁ ଏବଂ ବାଂଲାଦେଶକୁ ମାତ୍ର ଗୋଟିଏ ମ୍ୟାଚ୍ ଜିତିବା ପାଇଁ ପ୍ରାର୍ଥନା କରିବାକୁ ପଡ଼ିବ। ଏଥିସହ ବାଂଲାଦେଶ ବିପକ୍ଷରେ ପାକିସ୍ତାନକୁ ବଡ଼ ବିଜୟ ହାସଲ କରିବାକୁ ପଡ଼ିବ। ଏହାପରେ ମଧ୍ୟ ଏହି ମାମଲା ନେଟ୍ ରନ୍ ରେଟ୍ କୁ ଖସି ଆସିବ।

ଗ୍ରୁପ୍ 'ଏ'ରେ ଭାରତକୁ ଭେଟିବା ପରେ ପାକିସ୍ତାନ ଦଳ ଫେବ୍ରୁଆରି ୨୭ରେ ବାଂଲାଦେଶକୁ ଭେଟିବାକୁ ଯାଉଛି। ତେବେ ଭଲ ରନ୍ ରେଟ୍ ସହ ଏଠାରୁ ଉଭୟ ମ୍ୟାଚ୍ ଜିତିବାକୁ ପଡ଼ିବ। ଆଇସିସି ଚାମ୍ପିୟନ୍ସ ଟ୍ରଫି ୨୦୨୫ରେ ପ୍ରତ୍ୟେକ ବିଜୟ ପାଇଁ ଦଳଗୁଡ଼ିକୁ ୨ ପଏଣ୍ଟ ପ୍ରଦାନ କରାଯିବ।

ଗ୍ରୁପ୍ ପର୍ଯ୍ୟାୟରେ ଟାଇ ହେଲେ ଉଭୟ ଦଳକୁ ଗୋଟିଏ ଲେଖାଏଁ ପଏଣ୍ଟ ମିଳିବ। ପ୍ରତ୍ୟେକ ଗ୍ରୁପ୍ ରେ ଶ୍ରେଷ୍ଠ ଦୁଇଟି ଦଳ ସେମିଫାଇନାଲ୍ ପାଇଁ ଯୋଗ୍ୟତା ଅର୍ଜନ କରିବେ। ଗ୍ରୁପ୍ ପର୍ଯ୍ୟାୟ ପରେ ଯଦି ଦଳଗୁଡ଼ିକ ସମାନ ପଏଣ୍ଟ ପାଇବେ, ତେବେ ସେମାନେ ନେଟ୍ ରନ୍ ରେଟ୍ ଆଧାରରେ ସେମିଫାଇନାଲ୍‌କୁ ଯୋଗ୍ୟତା ଅର୍ଜନ କରିବେ।

ଅଧିକ ପଢ଼ନ୍ତୁ: ବୈଦେଶିକ ବ୍ୟାପାର ମନ୍ତ୍ରୀ ଏସ୍‌ ଜୟଶଙ୍କର କହିଲେ...