ବନ୍ଦ ହେଲା ୧୭୮ ବର୍ଷର ପୁରୁଣା କମ୍ପାନୀ ‘ଥୋମାସ୍‌ କୁକ୍‌’: ଅନ୍ଧାରରେ ୨୦,୦୦୦ କର୍ମଚାରୀଙ୍କ ଭବିଷ୍ୟତ
Khabar Odisha:Thomas-Cook-has-ceased-trading
ଲଣ୍ଡନ, ସେପ୍ଟେମ୍ବର ୨୩ (ଖବର ଓଡ଼ିଶା):

ବ୍ରିଟେନ୍‌ର ୧୭୮ ବର୍ଷର ପୁରୁଣା କମ୍ପାନୀ ଥୋମାସ୍‌ କୁକ୍‌ସବୁଦିନ ପାଇଁ ବନ୍ଦ କରିବାକୁ ଘୋଷଣା ହୋଇଛି । ଆର୍ଥିକ ସଙ୍କଟ ଯୋଗୁଁ କମ୍ପାନୀ କର୍ତ୍ତୃପକ୍ଷ ଏହାକୁ ବନ୍ଦ କରିବାକୁ ନିଷ୍ପତ୍ତି ନେଇଛି । କମ୍ପାନୀ ବ୍ୟାଙ୍କଗୁଡ଼ିକରୁ ସହାୟତା ମାଗିଥିଲା । ମାତ୍ର କୌଣସି ସହଯୋଗ ନ ମିଳିବାରୁ କମ୍ପାନୀ ବନ୍ଦ କରିବା ବ୍ୟତୀତ ଆଉ କୌଣସି ବିକଳ୍ପ ନ ଥିଲା । 

ଥୋମାସ୍‌ କୁକ୍‌କୁ ଅନ୍ତିମ ସମୟରେ ରୟାଲ ବ୍ୟାଙ୍କ୍‌ ଅଫ୍‌ ସ୍କଟ୍‌ଲ୍ୟାଣ୍ଡ ଅତିରିକ୍ତ ୨୦ କୋଟି ପାଉଣ୍ଡ ଦେବାକୁ ମନା କରିଦେଲା । ଫଳରେ ବାଧ୍ୟ ହୋଇ ଏହି୧୭୮ ବର୍ଷର ପୁରୁଣା କମ୍ପାନୀକୁ ବନ୍ଦ କରାଯାଇଛି । ଏହା ଦ୍ୱାରା ପ୍ରାୟ ୨୦,୦୦୦ ହଜାର କର୍ମଚାରୀଙ୍କ ଭବିଷ୍ୟତ ଅନ୍ଧାରକୁ ଠେଲି ହୋଇଯାଇଛି । ଯେଉଁଥିରେ ୟୁକେର ୯ ହଜାର କର୍ମଚାରୀ ରହିଛନ୍ତି । ଏହା ସହିତ ଛୁଟି କଟାଇବାକୁ ଫ୍ଲାଇଟ୍‌ ବୁକିଂ କରିଥିବା ପ୍ରାୟ ଦେଢ଼ ଲକ୍ଷ ଯାତ୍ରୀମାନେ ମଧ୍ୟ ଫସି ରହିଛନ୍ତି । ସେମାନଙ୍କ ପାଇଁ କମ୍ପାନୀ ପକ୍ଷରୁ ହେଲ୍ପ ଲାଇନ୍‌ ନମ୍ବର +୪୪ ୧୭୫୩ ୩୩୦ ୩୩୦ ଜାରି କରାଯାଇଛି । 

  • Tags:

Subscribe

National International State Sports Entertainment