ବଢୁଛି ଜଳସ୍ତର, ବିପଦ ସଙ୍କେତ ଉପରେ ବ୍ରାହ୍ମଣୀ, ବୈତରଣୀ
Khabar Odisha:The-water-level-is-rising-the-Brahmins-and-the-Baitarani-are-on-the-alert
ଭୁବନେଶ୍ୱର, ସେପ୍ଟେମ୍ବର ୧୫(ଖବର ଓଡିଶା):

ରାଜ୍ୟର ବିଭିନ୍ନ ନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି । ବିଶେଷ କରି ବ୍ରାହ୍ମଣୀ, ବୈତରଣୀ, ଦେବୀ, କୁଳଭଦ୍ର, ବୁଢାବଳଙ୍ଗ, ସୁବର୍ଣ୍ଣରେଖା, ରୁଷିକୁଲ୍ୟା, ଜଳକା ଓ ମହାନଦୀର ଜଳସ୍ତର ବୃଦ୍ଧି ପାଉଛି । ଜେନାପୁରରେ ବ୍ରାହ୍ମଣୀ ନଦୀର ସତର୍କ ସଙ୍କେତ ୨୨ ମିଟର ଥିବା ବେଲେ ସେଠାରେ ୨୨ ଦଶମିକ ୬୩ ମିଟର ଉପରେ ଜଳ ପ୍ରବାହିତ ହେଉଛି । 

ସେହିପରି ଆଖୁଆପଦା ନିକଟରେ ବୈତରଣୀ ନଦୀର ବିପଦ ସଙ୍କେତ ୧୭ ଦଶମିକ ୮୩ ମିଟର ଥିବା ବେଳେ ସେଠାରେ ୧୮ ଦଶମିକ ୩୪ ମିଟର ଉଚ୍ଚରେ ଜଳ ପ୍ରବାହିତ ହେଉଛି । ବଂଶଧାରା ନଦୀର କାଶୀନଗର ନିକଟରେ ସତର୍କ ସଙ୍କେତ ୫୩ ଦଶମିକ ୬୦ ଫୁଟ ଥିବା ବେଳେ ୫୪ ଦଶମିକ ୦୬ ଫୁଟ ଉଚ୍ଚରେ ପ୍ରବାହିତ ହେଉଛି ।

ସେପଟେ ମତାନୀ ନିକଟରେ ଜଳକାର ବିପଦ ସଙ୍କେତ ଉପରେ ଜଳସ୍ତର ରହିଛି । ଏହାର ଜଳସ୍ତର ୫ ଦଶମିକ ୫ ମିଟର ରହିଥିବା ବେଳେ ୬ ଦଶମିକ ୪୧ ମିଟର ଉପରେ ଜଳକାର ଜଳ ପ୍ରବାହିତ ହେଉଛି । ମହାନଦୀର ଜଳସ୍ତର ବି ଫୁଲିବାରେ ଲାଗିଛି । ନରାଜ ନିକଟରେ ସତର୍କ ସଙ୍କେତ ୨୫ ଦଶମିକ ୪୧ ମିଟର ରହିଥିବା ବେଳେ ୨୫ ଦଶମିକ ୧୬ ମିଟର ଉପରେ ମହାନଦୀ ଜଳ ପ୍ରବାହିତ ହେଉଛି ।  

  • Tags:

Subscribe

National International State Sports Entertainment