ନୂଆଦିଲ୍ଲୀ: ସୁପ୍ରିମକୋର୍ଟ ବୁଲା କୁକୁର ମାମଲାର ଶୁଣାଣି କରିବେ। କୋର୍ଟ ପଶ୍ଚିମବଙ୍ଗ ଏବଂ ତେଲେଙ୍ଗାନା ବ୍ୟତୀତ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ମୁଖ୍ୟ ସଚିବମାନଙ୍କୁ ଶୁଣାଣି ସମୟରେ ଉପସ୍ଥିତ ରହିବାକୁ ନିର୍ଦ୍ଦେଶ ଦେଇଛନ୍ତି।

୨୭ ଅକ୍ଟୋବର ଶୁଣାଣି ସମୟରେ ସୁପ୍ରିମକୋର୍ଟ ଅନୁପାଳନ ସତ୍ୟପାଠ ଦାଖଲ କରିବାରେ ବିଫଳତା ଉପରେ କଡ଼ା ଆଭିମୁଖ୍ୟ ଗ୍ରହଣ କରିଥିଲେ। ଅଗଷ୍ଟ ୨୨ ତାରିଖରେ, କୋର୍ଟ ସମସ୍ତ ରାଜ୍ୟକୁ ପଶୁ ଜନ୍ମ ନିୟନ୍ତ୍ରଣ (ଏବିସି) ନିୟମ ଅନୁଯାୟୀ ନିଆଯାଇଥିବା ପଦକ୍ଷେପ ବିଷୟରେ ବିସ୍ତୃତ ସତ୍ୟପାଠ ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ।

ବିଚାରପତି ବିକ୍ରମ ନାଥ ସନ୍ଦୀପ ମେହେଟ୍ଟା ଏବଂ ଏନ.ଭି. ଅଞ୍ଜାରିଆଙ୍କ ଖଣ୍ଡପୀଠ ମାମଲାର ଶୁଣାଣି କରୁଛନ୍ତି। ୩୧ ଅକ୍ଟୋବରରେ, ମୁଖ୍ୟ ସଚିବମାନଙ୍କୁ ଶାରୀରିକ ହାଜର ହେବାରୁ ମୁକ୍ତ କରିବା ପାଇଁ କୋର୍ଟରେ ଏକ ଆବେଦନ କରାଯାଇଥିଲା, ଯାହା ଉପରେ ଖଣ୍ଡପୀଠ ମନ୍ତବ୍ୟ ଦେଇଥିଲେ ଯେ ଅଧିକାରୀମାନେ କୋର୍ଟଙ୍କ ନିର୍ଦ୍ଦେଶକୁ ସମ୍ମାନ ଦେଖାଇ ନାହାଁନ୍ତି।

ତେଣୁ, ସେମାନଙ୍କୁ ହାଜର ହେବାକୁ ପଡିବ। ଉଲ୍ଲେଖନୀୟ ଯେ ବୁଲା କୁକୁର କାମୁଡ଼ା ଯୋଗୁଁ ପିଲାମାନଙ୍କ ମଧ୍ୟରେ ବ୍ୟାପିଥିବା ରାବିଜ୍ ସମ୍ପର୍କିତ ଗଣମାଧ୍ୟମ ରିପୋର୍ଟର ସ୍ୱତଃସ୍ପୃତ ବିଚାର କରି ସୁପ୍ରିମକୋର୍ଟ ଶୁଣାଣି ଆରମ୍ଭ କରିଥିଲେ।

ଅଧିକ ପଢ଼ନ୍ତୁ: ୫୨ ବର୍ଷ ପ୍ରତୀକ୍ଷାର ଅନ୍ତ, ବିଶ୍ୱକପ୍ ଜିତିଲେ ଭାରତୀୟ ବେଟି