ମସ୍କୋ: ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଗୁରୁବାର ଦିନ କହିଛନ୍ତି ଯେ ଉପସାଗରୀୟ ଯୁଦ୍ଧ ପାଇଁ ଦାୟୀ ବ୍ୟକ୍ତିମାନଙ୍କ ସମେତ କେହି ବି ବିଶ୍ୱ ଉପରେ ଏହାର ପରିଣାମ ପୂର୍ବାନୁମାନ କରିପାରିବେ ନାହିଁ। ସେ କହିଛନ୍ତି ଯେ ଏହାକୁ କେବଳ କୋଭିଡ-୧୯ ମହାମାରୀ ସହିତ ତୁଳନା କରାଯାଇପାରିବ, ଯାହାର ଭୟଙ୍କର ପରିଣାମ ଥିଲା। ଶକ୍ତିଶାଳୀ ଶିଳ୍ପପତି ଏବଂ ଉଦ୍ୟୋଗୀ ସଂଘର କଂଗ୍ରେସକୁ ସମ୍ବୋଧିତ କରି ରୁଷ ନେତା କହିଛନ୍ତି ଯେ ଇରାନ ଉପରେ ଆମେରିକା-ଇସ୍ରାଏଲର ମିଳିତ ଆକ୍ରମଣ ଦ୍ୱାରା ଆରମ୍ଭ ହୋଇଥିବା ଏହି ଯୁଦ୍ଧର ବୃଦ୍ଧି ଅନେକ ଶିଳ୍ପକୁ ବିପଦରେ ପକାଇଛି। ଏହାର ଆହୁରି କ’ଣ ଗମ୍ଭୀର ପରିଣାମ ହୋଇପାରେ ତାହା ପୂର୍ବାନୁମାନ କରିବା କଷ୍ଟକର।

ପୁଟିନ କହିଛନ୍ତି, ପଶ୍ଚିମ ଏସିଆରେ ଚାଲିଥିବା ସଶସ୍ତ୍ର ସଂଘର୍ଷ ବର୍ତ୍ତମାନର ପରିସ୍ଥିତିକୁ ନିରନ୍ତର ପ୍ରଭାବିତ କରୁଛି ଏବଂ ଅନ୍ତର୍ଜାତୀୟ ଲଜିଷ୍ଟିକ୍ସ, ଉତ୍ପାଦନ ଏବଂ ଯୋଗାଣ ଶୃଙ୍ଖଳାରେ ଗୁରୁତ୍ୱପୂର୍ଣ୍ଣ ବାଧା ସୃଷ୍ଟି କରୁଛି। ପୁଟିନଙ୍କ ଅନୁସାରେ, ହାଇଡ୍ରୋକାର୍ବନ, ଧାତୁ, ସାର ଏବଂ ଅନ୍ୟାନ୍ୟ ଉତ୍ପାଦ ଉତ୍ପାଦନ କରୁଥିବା କ୍ଷେତ୍ରଗୁଡ଼ିକ ଏକ ବଡ଼ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ସେ କହିଛନ୍ତି ପଶ୍ଚିମ ଏସିଆରେ ଚାଲିଥିବା ଯୁଦ୍ଧର ପରିଣାମ ପୂର୍ବାନୁମାନ କରିବା ଏପର୍ଯ୍ୟନ୍ତ କଷ୍ଟକର। 

ରୁଷ ରାଷ୍ଟ୍ରପତି ପୁଟିନ ଏହାକୁ କୋଭିଡି-୧୯ ମହାମାରୀ ସହିତ ତୁଳନା କରିଛନ୍ତି, ଯାହା ବିଶ୍ୱ ସ୍ତରରେ ଜୀବନକୁ ବାଧାପ୍ରାପ୍ତ କରିଛି ଏବଂ ବିକାଶକୁ ମନ୍ଥର କରିଛି। ପୁଟିନ କହିଛନ୍ତି ଯେ ରୁଷକୁ ବର୍ତ୍ତମାନର ବାସ୍ତବତାରେ ବଞ୍ଚିବାକୁ ପଡିବ ଏବଂ ଦୃଢ଼ ଏବଂ ଏକତାରେ ରହିବାକୁ ପଡିବ।

ଅଧିକ ପଢ଼ନ୍ତୁ: ୱାଙ୍ଖେଡେ ଗ୍ରାଉଣ୍ଡଷ୍ଟାଫ୍‌ଙ୍କୁ ଦେଇଥିବା ପ୍ରତିଶ୍ରୁତି ପୂରଣ କଲେ ହାର୍ଦ୍ଦିକ ପାଣ୍ଡ୍ୟା