ନୂଆଦିଲ୍ଲୀ: ନିଟ୍‌ ପେପର ଲିକ୍ ନେଇ ଛାତ୍ରମାନଙ୍କ ଦ୍ୱାରା ଚାଲିଥିବା ପ୍ରତିବାଦ ମଧ୍ୟରେ ସରକାର ଯୁବପିଢ଼ି ଏବଂ ଛାତ୍ରମାନଙ୍କ ସ୍ୱାର୍ଥକୁ ସୁରକ୍ଷା ଦେବା ପାଇଁ ଏକ ବଡ଼ ନିଷ୍ପତ୍ତି ନେଇଛନ୍ତି। ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପ୍ଲାଟଫର୍ମ  ‘ଏକ୍ସ’ରେ ଲେଖିଛନ୍ତି ଯେ ପେପର ଲିକ୍ ମାମଲାଗୁଡ଼ିକର ଶୁଣାଣି ଫାଷ୍ଟ-ଟ୍ରାକ୍ କୋର୍ଟରେ କରାଯିବ ଯାହା ଦ୍ୱାରା ଦୋଷୀଙ୍କ ପାଇଁ ଶୀଘ୍ର ବିଚାର ଏବଂ କଠୋରତମ ଦଣ୍ଡ ସୁନିଶ୍ଚିତ କରାଯାଇପାରିବ।

ପ୍ରଧାନମନ୍ତ୍ରୀ ମୋଦୀ ’ଏକ୍ସ’ରେ ଲେଖିଛନ୍ତି, ଦେଶର ଯୁବପିଢ଼ିଙ୍କ ସ୍ୱାର୍ଥ ଏବଂ ଭବିଷ୍ୟତ ଆମର ସର୍ବୋଚ୍ଚ ପ୍ରାଥମିକତା। ମାମଲାର ଶୀଘ୍ର ସମାଧାନ ଏବଂ ସମସ୍ତ ପେପର ଲିକ୍ ମାମଲାରେ ଦୋଷୀଙ୍କ ପାଇଁ କଠୋରତମ ଦଣ୍ଡ ସୁନିଶ୍ଚିତ କରିବା ପାଇଁ ଫାଷ୍ଟ-ଟ୍ରାକ୍ କୋର୍ଟ ପ୍ରତିଷ୍ଠା କରାଯିବ। 

ଆବଶ୍ୟକୀୟ କାର୍ଯ୍ୟାନୁଷ୍ଠାନ ସୁନିଶ୍ଚିତ କରିବା ପାଇଁ ସମ୍ପୃକ୍ତ ବିଭାଗଗୁଡ଼ିକୁ ନିର୍ଦ୍ଦେଶ ଦିଆଯାଇଛି। ଛାତ୍ରମାନଙ୍କ ସ୍ୱାର୍ଥକୁ ସୁରକ୍ଷା ଦେବା ପାଇଁ ସରକାର ନେଉଥିବା ନିଷ୍ପତ୍ତିର ଏକ କ୍ରମରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଯୁବପିଢ଼ିଙ୍କ ଭବିଷ୍ୟତ ସହିତ ହାତଛଡ଼ା କରୁଥିବା କାହାକୁ ମଧ୍ୟ ଛଡ଼ାଯିବ ନାହିଁ। ରାଜ୍ୟ/ସରକାର ଦ୍ୱାରା ଫାଷ୍ଟ-ଟ୍ରାକ୍ କୋର୍ଟ ପ୍ରତିଷ୍ଠା କରାଯିବ। 

ସୂଚନାଯୋଗ୍ୟ, ନିଟ୍‌ ପ୍ରଶ୍ନପତ୍ର ପ୍ରଘଟ ମାମଲାରେ ଗତ ତିନି ଦିନ ହେଲା ରାଜଧୀନ ନୂଆଦିଲ୍ଲୀ ଉଠୁଛି ପଡୁଛି। ପୋଲିସ ସହିତ ମୁହାଁମୁହିଁ ‌ବେଳେ ଅନେକ ଲୋକ ଆହତ ହୋଇଛନ୍ତି। ଆନ୍ଦୋଳନ ସମୟରେ ମଙ୍ଗଳବାର ଏବଂ ବୁଧବାର ଅନେକ ପୋଲିସ କର୍ମଚାରୀ ଆହତ ହୋଇଥିଲେ। ଆକ୍ରମଣକାରୀଙ୍କ ବିରୋଧରେ ପୋଲିସ ମାମଲା ରୁଜୁ କରି ଘଟଣାର ଅଧିକ ତଦନ୍ତ କରୁଛି। 

ଜନ୍ତର ମନ୍ତରରେ କୋକରାଚ ଜନତା ପାର୍ଟି (ସିଜେପି)ର ପ୍ରତିବାଦର ପ୍ରଭାବ ଦିଲ୍ଲୀ ମେଟ୍ରୋର କାର୍ଯ୍ୟ ଉପରେ ପଡ଼ୁଛି। ଆଜି ୧୬ଟି ଦିଲ୍ଲୀ ମେଟ୍ରୋ ଷ୍ଟେସନ୍ ବନ୍ଦ ରହିବ। ଦିଲ୍ଲୀ ମେଟ୍ରୋ ରେଳ ନିଗମ (ଡିଏମ୍‌ଆରସି) ଘୋଷଣା କରିଛି ଯେ ସିଜେପିର ‘ସଂସଦ ଚାଲ’ ପ୍ରତିବାଦ ଏବଂ ସୁରକ୍ଷା ଚିନ୍ତା ଯୋଗୁଁ ରାଜୀବ ଚୌକ ଏବଂ କେନ୍ଦ୍ରୀୟ ସଚିବାଳୟ ସମେତ ୧୬ଟି ମେଟ୍ରୋ ଷ୍ଟେସନ୍ ସକାଳ ୭:୩୦ରୁ ପରବର୍ତ୍ତୀ ସୂଚନା ପର୍ଯ୍ୟନ୍ତ ବନ୍ଦ ରହିବ।

ଅଧିକ ପଢ଼ନ୍ତୁ: ପୋଲିସ ଉପରକୁ ଟେକାପଥର ମାଡ଼, ଲୁହବୁହା ଗ୍ୟାସ୍‌ ଓ ଲାଠିଚାର୍ଜ