ଖୁସିଖବର: ଧିମାବସ୍ଥାର ମାହୋଲରେ 2020ରେ 9.2 ପ୍ରତିଶତ ବଢିବ ଦରମା, ପାଞ୍ଚ ପ୍ରତିଶତ ପାରିଶ୍ରମିକ
Khabar Odisha:National-business-In-2020-Average-Increase-In-Salary-To-Be-At-92-Percent-Wages-To-Grow-By-Five-Percent
ନୂଆଦିଲ୍ଲୀ, ଡିସେମ୍ଵର ୦୨ (ଖବର ଓଡିଶା) :

ନୂଆ ବର୍ଷରୁ ଭାରତୀୟଙ୍କ ବେତନରେ ବୃଦ୍ଧି ହେବାରେ ଅଧିକ ଆଶା ରଖାଯାଇଛି । କାର୍ନ ଫେରୀ ଗ୍ଲୋବାଲ ସେଲରୀ ଫୋରକାଷ୍ଟର ସୋମବାର ଦିନ ଜାରି ହୋଇଥିବା ରିପୋର୍ଟ ଅନୁସାରେ, ଦେଶରେ 2020ରେ ବେତନଭୋଗୀଙ୍କ ବାର୍ଷିକ ହାରାହାରୀ ବେତନ ବୃଦ୍ଧି 9.2 ପ୍ରତି ରହିବାର ଅନୁମାନ କରାଯାଇଛି । କିନ୍ତୁ, ଏହା ଗତ ବର୍ଷର 10 ପ୍ରତିଶତ ବୃଦ୍ଧି ତୁଳନାରେ କମ । ସେହିପରି ପାରିଶ୍ରମିକରେ ପାଞ୍ଚ ପ୍ରତିଶତ ବୃଦ୍ଧି ହେବ । 

ରିପୋର୍ଟରେ ଉଲ୍ଲେଖ କରାଯାଇଛି ଯେ ଭାରତରେ 9.2 ପ୍ରତିଶତ ବେତନର ବୃଦ୍ଧି ଅନୁମାନ ରହିଛି ଯାହା ଏସିଆର ସବୁଠାରୁ ଅଧିକ ଅଟେ । କିନ୍ତୁ ଦରବୃଦ୍ଧି କାରଣରୁ ବାସ୍ତବିକ ବେତନ ବୃଦ୍ଧି ମାତ୍ର 5 ପ୍ରତିଶତ ବୃଦ୍ଧି ହେବାର ଅନୁମାନ କରାଯାଇଛି । କାର୍ନ ଫେରୀ ଇଣ୍ଡିଆର ଚେୟାରମ୍ୟାନ ତଥା ଆଞ୍ଚଳିକ ପ୍ରବନ୍ଧ ନିର୍ଦ୍ଦେଶକ ନବନୀତ ସିଂହଙ୍କ କହିବା ଅନୁସାରେ ସାରା ଦୁନିଆରେ ଲୋକଙ୍କ ବେତନ ବୃଦ୍ଧି ପ୍ରଭାବିତ ହେଉଛି । ଏହାପରେ ମଧ୍ୟ ଭାରତରେ ଏହାର ବୃଦ୍ଧିର ହାର ଅଧିକ ମଜବୁତ ରହିଛି । ବର୍ତ୍ତମାନର ଆର୍ଥିକ ସ୍ଥିତି ଏବଂ ସରକାରଙ୍କ ପକ୍ଷରୁ କାରାଯାଉଥିବା ପ୍ରଗତିଶୀଳ ସୁଧାର ସହ ସାରା ଦେଶର ସବୁ କ୍ଷେତ୍ର ସତର୍କ ଏବଂ ଆଶାର ଭାବନା ରହିଛି । ଏହି କାରଣରୁ ବେତନରେ ଉଚ୍ଚ ବୃଦ୍ଧି ଜାରି ରହିବାର ଆଶା ରହିଛି । 

ରିପୋର୍ଟ ଅନୁସାରେ 2020ରେ ବିଶ୍ୱରେ ବୈଶ୍ୱିକ ହାରାହାରୀ ବେତନ ବୃଦ୍ଧି 4.9 ପ୍ରତିଶତ ରହିବାର ଅନୁମାନ ରହିଛି । ବିଶ୍ୱ ସ୍ତରରେ ଦରବୃଦ୍ଧି ହାର 2.8 ପ୍ରତିଶତ ରହିପାରେ । ଏହି କାରଣରୁ ବାସ୍ତବିକ ବିଶ୍ୱ ହାରାହାରୀ ବେତନ ବୃଦ୍ଧି 2.1 ପ୍ରତିଶତ ରହିପାରେ । 

ଏସିଆରେ ହାରାହାରୀ ବେତନ ବୃଦ୍ଧି 5.3 ପ୍ରତିଶତ, ଦରବୃଦ୍ଧି 2.2 ପ୍ରତିଶତ ଏବଂ ବାସ୍ତବିକ ହାରାହାରୀ ବେତନ ବୃଦ୍ଧି 3.1 ପ୍ରତିଶତ ରହିବାର ଅନୁମାନ ରହିଛି । ରିପୋର୍ଟରେ କୁହାଯାଇଛି ଯେ ଏସିଆର ଦେଶ ଗୁଡିକ ମଧ୍ୟରେ ଇଣ୍ଡୋନେସିଆରେ ବେତନ ବୃଦ୍ଧି 8.1 ପ୍ରତିଶତ, ଚୀନରେ 6 ପ୍ରତିଶତ, ମାଲେସିଆରେ 5 ପ୍ରତିଶତ ଏବଂ କୋରିଆରେ 4.1 ପ୍ରତିଶତ ରହିବାର ଅନୁମାନ ରହିଛି । ଜାପାନରେ ସବୁଠାରୁ କମ 2 ପ୍ରତିଶତ ଏବଂ ତାଇୱାନରେ 3.6 ପ୍ରତିଶତ ବୃଦ୍ଧି ରହିପାରେ । 

ଏହା ପୂର୍ବରୁ ବ୍ରୋକିଙ୍ଗ ଏଣ୍ଡ ସଲ୍ୟୁସନ କମ୍ପାନୀ ଟାୱର୍ସ ୱାଟସନ ନଭେମ୍ୱରରେ ଜାରି କରିଥିବା ବଜଟେ ପ୍ଲାନିଂ ରିପୋର୍ଟରେ 2020ରେ ଭାରତର ଲୋତଙ୍କ ବେତନରେ 10 ପ୍ରତିଶତ ବୃଦ୍ଧିର ଅନୁମାନ କରିଥିଲେ । ଏହି ରିପୋର୍ଟ ବିଭିନ୍ନ ଉଦ୍ୟୋଗରେ ଥିବା ବିଭିନ୍ନ ପ୍ରକାଶ ଚାକିରୀର ଅଧ୍ୟୟନ ପରେ କରାଯାଇଥିଲା । 

Subscribe

National International State Sports Entertainment