ପାକିସ୍ତାନ ଜିନ୍ଦାବାଦ ଶ୍ଲୋଗାନ ଦେଇଥିବା ଅମୂଲ୍ୟ ଲିୟୋନାଙ୍କ ଖୁଲାସା, ଜାଣନ୍ତୁ କ’ଣ କହିଲେ
Khabar Odisha:Nation-Bengaluru-CAA-protest-rally-Amulya-Leona-reveals-who-are-working-behind-her

ବେଙ୍ଗାଲୁରୁ, ଫେବୃଆରୀ ୨୨ (ଖବର ଓଡ଼ିଶା): ବେଙ୍ଗାଲୁରୁରେ ନାଗରିକତା ସଂଶୋଧନ ଆଇନ ବିରୋଧରେ ଆୟୋଜିତ ରାଲିରେ ‘ପାକିସ୍ତାନ ଜିନ୍ଦାବାଦ’ ଶ୍ଲୋଗାନ ଦେଇଥିବା ଝିଅ ଅମୂଲ୍ୟ ଲିୟୋନା ଏବେ ଗଣମାଧ୍ୟମର ଚର୍ଚ୍ଚାକୁ ଆସିଛନ୍ତି । ସୋସିଆଲ ମିଡିଆରେ ତାଙ୍କୁ ପାକିସ୍ତାନ ଯିବାକୁ ପରାମର୍ଶ ଦିଆଯାଉଛି । ଗୁରୁବାର ରାତି ଉପଦ୍ରବକାରୀମାନେ ତାଙ୍କ ଘଣକୁ ଆକ୍ରମଣ କରିଛନ୍ତି ଏବଂ ଘରର କାଚ ଭାଙ୍ଗି ଦେଇଛନ୍ତି । ଏହି ଘଟଣା ପରେ ଅମୂଲ୍ୟ ଖୁଲାସା କରିଛନ୍ତି କି ସେ ‘ପାକିସ୍ତାନ ଜିନ୍ଦାବାଦ’ କହିବାରେ କାହାର ହାତ ଥିଲା । ଏହାର ଉଦ୍ଦେଶ୍ୟ କ’ଣ ଥିଲା ସେ କହିଛନ୍ତି । ଅମୂଲ୍ୟ କହିଛନ୍ତି କି ଏହି ଭିଡିଓ ଭାଇରାଲ ହେବା ପରେ ଏଆଇଏମଆଇଏମ ପାର୍ଟି ଅଧ୍ୟକ୍ଷ ଅସୁଦିଦ୍ଦୀନ ଓୱେସୀଙ୍କୁ ଟାର୍ଗେଟ କରାଯାଉଛି । 

ଏବେ ଅମୂଲ୍ୟ ଖୁଲାସା କରିଛନ୍ତି କି ମୁଁ ଯେଉଁ କାମ କରିଛି, ମୁଁ ଏହା କରିନାହିଁ । ମୁଁ କେବଳ ଏହାର ମୁହଁ ହୋଇଛି । କିନ୍ତୁ ମୋ ପଛରେ ବହୁତ ଲୋକ ପରାମର୍ଶଦାତା କମିଟି କାମ କରୁଛି ଏବଂ ସେମାନେ ଯାହା ପରାମର୍ଶ ଦେବେ, ମୋତେ କହିବାର ଅଛି । ଏଥି ପାଇଁ ଏକ କଣ୍ଟେଟ ଟିମ କାମ କରୁଛି । ବହୁ ବରିଷ୍ଠ ଆନ୍ଦୋଳନକାରୀ କାମ କରୁଛନ୍ତି । ମୋର ବାପା-ମା କହୁନ୍ତି ଏମତି କହିବୁ, ଏମିତି କରିବୁ । ଏଇଠାକୁ ଯିବୁ । ଏକ ବଡ଼ ଛାତ୍ର ଗୋଷ୍ଠୀ-ବେଙ୍ଗାଲୁରୁ ଷ୍ଟୁଡେଣ୍ଟ ଆଲାୟନ୍ସ ଏହି ବିରୋଧ ପାଇଁ କାମ କରୁଛି । ମୁଁ କେବଳ ମୁହଁ ହୋଇଛି । କିନ୍ତୁ ଏଥି ପାଇଁ ଛାତ୍ରଗୋଷ୍ଠୀ ବହୁ କାମ କରୁଛି । 

ସୂଚନାଯୋଗ୍ୟ, ଅଲ ଇଣ୍ଡିଆ ମଜଲିସ-ଏ ଇତ୍ତେହାଦୁଲ ମୁସ୍ଲିମିନ (ଏଆଇଏମଆଇଏ)ର ମୁଖ୍ୟ ଅସୁଦୁଦ୍ଦୀନ ଓୱେସୀଙ୍କ ଗୁରୁବାର ବେଙ୍ଗୋଲୁରୁରେ ସିଏଏ-ବିରୋଧୀ ରାଲିରେ ହଙ୍ଗାମା ହୋଇଥିଲା । ଏହାର କାରଣ ଥିଲା ଜଣେ ଅମୂଲ୍ୟ ନାମରେ ଝିଅଟି ପାକିସ୍ତାନ ଜିନ୍ଦାବାଦ ଶ୍ଲୋଗାନ ଦେଇଥିଲା । ବିଜେପି କହିଛି, ଯେଉଁ ଲୋକମାନେ ପାକିସ୍ତାନକୁ ସମର୍ଥନ କରୁଛନ୍ତି, ସେହି ଦେଶରେ ଯାଇ ବସବାସ କରନ୍ତୁ । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଓୱେସୀ ମଧ୍ୟ ପାକିସ୍ତାନ ସମର୍ଥନରେ ଶ୍ଲୋଗାନ ଦେଇଥିବା ଝିଅ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି ।

ପାକିସ୍ତାନ ଜିନ୍ଦାବାଦ ଶ୍ଲୋଗାନ ଦେଇଥିବା ଭିଡିଓ ଦ୍ରୁତ ଗତିରେ ସୋସିଆଲ ମିଡିଆରେ ଭାଇରାଲ ହୋଇଛି । ଭିଡିଓରେ ଦେଖାଯାଉଛି କି ଅସୁଦିଦ୍ଦୀନ ମଂଚରୁ ଯାଉଛନ୍ତି । ସେହି ସମୟରେ ମାଇକ ହାତରେ ଧରି ଜଣେ ଝିଅ ପାକିସ୍ତାନ ଜିନ୍ଦାବାଦ ଶ୍ଲୋଗାନ ଦେଉଛନ୍ତି । ଏହାକୁ ଶୁଣି ଓୱେସି ଅଟକିଯାଇଛନ୍ତି ।  

 

  • Tags:

Subscribe

National International State Sports Entertainment