ମୈନପୁରୀ: ଏକ ପୁରୁଣା ମାମଲାରେ ଉତ୍ତର ପ୍ରଦେଶର ମୈନପୁରୀ ଜିଲ୍ଲା ଅଦାଲତ ୧୬ ଜଣଙ୍କୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ୨୦୦୧ ମସିହା ଫେବ୍ରୁଆରି ୪ ତାରିଖରେ ଏହି ଘଟଣା ଘଟିଥିଲା। ସାମାନ୍ୟ ବିବାଦକୁ ନେଇ ପଞ୍ଚାୟତରେ ଦୁଇ ପକ୍ଷ ମଧ୍ୟରେ ଝଗଡ଼ା ହୋଇଥିଲା। ଏହି ବିବାଦରେ ଗୁଳିବିନିମୟ ବେଳେ ୨ ଜଣଙ୍କ ମୃତ୍ୟୁ ଘଟିଥିଲା। ୩ ଜଣ ଆହତ ହୋଇଥିଲେ।

ମୈନପୁରୀର ଥାନା କୁରା ଅଞ୍ଚଳର ନାଗଲା ମୁଲୁ ଗାଁର ଫେରାନ୍ ସିଂହ ଓ ସୋଭ୍ରାନ୍ ସିଂହଙ୍କ ମଧ୍ୟରେ ଏହି ମାମଲା ରହିଛି। ଏହି ଘଟଣାକୁ ନେଇ ଉଭୟ ପକ୍ଷ ମଧ୍ୟରେ ବିବାଦ ଲାଗି ରହିଥିଲା। ଏହାର ସମାଧାନ ପାଇଁ ୨୦୦୧ ମସିହା ଫେବ୍ରୁଆରି ୪ ତାରିଖରେ ଗୁଳିବିନିମୟରେ ଉଭୟ ପକ୍ଷର ୧-୧ ଜଣଙ୍କ ମୃତ୍ୟୁ ଘଟିଥିଲା। ଏହି ଘଟଣାରେ ୩ ଜଣ ଆହତ ହୋଇଥିଲେ। ଶୁକ୍ରବାର ମୈନପୁରୀ କୋର୍ଟ ଉଭୟ ପକ୍ଷଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଏହି ମାମଲାରେ କୋର୍ଟ ୧୬ ଜଣ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।

ଏଥିସହ କୋର୍ଟ ଦୋଷୀଙ୍କୁ ୨୫ ହଜାର ଟଙ୍କା ଲେଖାଏଁ ଜରିମାନା କରିଛନ୍ତି। ଏହି ମାମଲାର ଖାସ୍ କଥା ହେଉଛି, ତଦନ୍ତ ସମୟରେ ପୁଲିସ କିଛି ଅଭିଯୁକ୍ତଙ୍କ ନାମ ଏଫ୍ଆଇଆର୍ରୁ ହଟାଇ ଦେଇଥିବା ଅଭିଯୋଗ ହୋଇଥିଲା। କିନ୍ତୁ ଏହି ମାମଲାରେ ସାକ୍ଷ୍ୟ ଦେବା ପରେ କୋର୍ଟ ଏହି ଲୋକଙ୍କ ନାମ ମଧ୍ୟ ସାମିଲ କରିଥିଲେ। ଏହି ଲୋକମାନଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି।

ଅତିରିକ୍ତ ଡିଜିସି ବିଶ୍ୱଜିତ ସିଂହ କହିଛନ୍ତି ଯେ ୨୦୦୧ ମସିହା ଫେବ୍ରୁଆରି ୪ ତାରିଖରେ କୁରା ଥାନା ଅନ୍ତର୍ଗତ ନାଗଲା ମୁଲୁ ଗାଁରେ ବିବାଦ ହୋଇଥିଲା। ଏହି ବିବାଦକୁ ନେଇ ଫେରାନ୍ ସିଂହ ଓ ସୋଭ୍ରାନ୍ ସିଂହ ନାମକ ଦୁଇ ଦଳ ମଧ୍ୟରେ ଉତ୍ତେଜନା ଦେଖାଦେଇଥିଲା। ଆଲୋଚନା ବେଳେ ଉଭୟ ପକ୍ଷ ମୁହାଁମୁହିଁ ହେବା ସହ ପଞ୍ଚାୟତ ସମୟରେ ଗୁଳି ବିନିମୟ ଆରମ୍ଭ ହୋଇଥିଲା। ଏଥିରେ ଜଣେ ଲେଖାଏଁ ପ୍ରାଣ ହରାଇଥିବା ବେଳେ ୩ ଜଣ ଆହତ ହୋଇଛନ୍ତି।

ଅଧିକ ପଢ଼ନ୍ତୁ: ୪ ଦିବ୍ୟାଙ୍ଗ ଝିଅଙ୍କୁ ବିଷ ପିଆଇ ନିଜେ ଜୀବନ ହାରିଲେ ବାପା