ୱାଶିଂଟନ୍ ଡିସି: ଆମେରିକାର ପୂର୍ବତନ ଜାତୀୟ ସୁରକ୍ଷା ପରାମର୍ଶଦାତା ଜନ୍ ବୋଲ୍ଟନ୍ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶୁଳ୍କକୁ ସମାଲୋଚନା କରିଛନ୍ତି। ଜନ୍ ବୋଲ୍ଟନ୍ କହିଛନ୍ତି ଯେ ସୋଭିଏତ୍ ୟୁନିଅନ୍ ସହିତ ନିକଟତର ହେବା ଏବଂ ଚୀନ୍ ଠାରୁ ବଢ଼ୁଥିବା ବିପଦ ସତ୍ତ୍ୱେ, ପାଶ୍ଚାତ୍ୟ ଦେଶମାନେ ଭାରତ ସହିତ ସମ୍ପର୍କକୁ ସୁଦୃଢ଼ କରିଥିଲେ, କିନ୍ତୁ ଟ୍ରମ୍ପଙ୍କ ଶୁଳ୍କ ଦଶନ୍ଧିର ସମସ୍ତ କଠିନ ପରିଶ୍ରମକୁ ନଷ୍ଟ କରିଦେଇଛି।

ଜନ୍ ବୋଲ୍ଟନ୍ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଅନେକ ପୋଷ୍ଟ ସେୟାର କରି ଟ୍ରମ୍ପଙ୍କୁ କଠୋର ଭାବରେ ଭର୍ତ୍ସନା କରିଛନ୍ତି। ବୋଲ୍ଟନ୍ କହିଛନ୍ତି ଯେ ଟ୍ରମ୍ପ ଏକ ଆର୍ଥିକ ଆଭିମୁଖ୍ୟ ଗ୍ରହଣ କରି ରଣନୈତିକ ସୁବିଧାକୁ ବିପଦରେ ପକାଇ ଦେଉଛନ୍ତି।

ଜନ୍ ବୋଲ୍ଟନ୍ ଏପରିକି କହିଛନ୍ତି ଯେ ଟ୍ରମ୍ପଙ୍କ ଯୋଗୁଁ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ପୂର୍ବ ଦେଶଗୁଡ଼ିକ ସହିତ ତାଙ୍କର ସମ୍ପର୍କ ଉନ୍ନତ କରିବାର ସୁଯୋଗ ପାଇଛନ୍ତି। ଜନ୍ ବୋଲ୍ଟନ୍‌ଙ୍କ  ଅନୁସାରେ, ପାଶ୍ଚାତ୍ୟ ଦେଶମାନେ ଭାରତକୁ ସୋଭିଏତ୍ ୟୁନିଅନ୍ ଅର୍ଥାତ୍ ରୁଷ ଏବଂ ଚୀନ୍ ଠାରୁ ଦୂରେଇ ରଖିବାରେ ଦଶନ୍ଧି ଧରିଥିଲେ। ଡୋନାଲ୍ଡ ଟ୍ରମ୍ପ ତାଙ୍କର ବିପର୍ଯ୍ୟୟକାରୀ ଶୁଳ୍କ ନୀତି ଯୋଗୁଁ ସମସ୍ତ ପ୍ରୟାସ ନଷ୍ଟ କରିଦେଇଥିଲେ। 

ଜନ୍ ବୋଲ୍ଟନ୍ କହିଛନ୍ତି, ଡୋନାଲ୍ଡ ଟ୍ରମ୍ପ କୂଟନୀତିକୁ ଆଦୌ ବୁଝିବାକୁ ଚାହାଁନ୍ତି ନାହିଁ। ସେ ସି ଜିନପିଙ୍ଗଙ୍କୁ ପୂର୍ବ ଦେଶ ସହିତ ସମ୍ପର୍କ ଉନ୍ନତ କରିବାର ସୁଯୋଗ ଦେଇଛନ୍ତି।

ଜନ୍ ବୋଲ୍ଟନ୍ ଜଣେ ପୂର୍ବତନ ଆମେରିକୀୟ ଅଧିକାରୀ ଥିଲେ। ସେ ୨୦୧୮-୧୯ ପର୍ଯ୍ୟନ୍ତ ଜାତୀୟ ସୁରକ୍ଷା ପରାମର୍ଶଦାତା ଥିଲେ। ପରେ ବୈଦେଶିକ ନୀତିରେ ଟ୍ରମ୍ପଙ୍କ ସହ ମତଭେଦ ଯୋଗୁଁ ସେ ତାଙ୍କ ପଦବୀରୁ ଇସ୍ତଫା ଦେଇଥିଲେ।

ଅଧିକ ପଢ଼ନ୍ତୁ: ଟି୨୦ ଅନ୍ତର୍ଜାତୀୟ କ୍ରିକେଟ୍‌ରୁ ମିଚେଲ ଷ୍ଟାର୍କଙ୍କ ସନ୍ୟାସ