ଲକ୍ଷ୍ନୌ: ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌ ରେଳ ହସ୍ପିଟାଲରେ ଆଜି ସକାଳେ ଅଗ୍ନିକାଣ୍ଡ ଘଟି ଆତଙ୍କ ସୃଷ୍ଟି ହୋଇଛି। ସର୍ଟସର୍କିଟ୍ ଯୋଗୁଁ ଲାଗିଥିବା ନିଆଁ ଧୀରେଧୀରେ ହସ୍ପିଟାଲ ପରିସରରେ ବ୍ୟାପି ଯାଇଥିଲା। ସୌଭାଗ୍ୟବଶତଃ, କୌଣସି ରୋଗୀଙ୍କର କ୍ଷତି ହୋଇନଥିଲା ଏବଂ ସମୟ ମଧ୍ୟରେ ସମସ୍ତଙ୍କୁ ସୁରକ୍ଷିତ ଭାବରେ ୱାର୍ଡରୁ ବାହାର କରାଯାଇଥିଲା।

ଆଜି ସକାଳ ୫ଟାରେ ସର୍ଟସର୍କିଟ୍ ଯୋଗୁଁ ରେଳ ହସ୍ପିଟାଲରେ ଅଗ୍ନିକାଣ୍ଡ ଘଟିବା ସହିତ ଏହି ଘଟଣା ଘଟିଥିଲା। ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲା। ହସ୍ପିଟାଲ କର୍ମଚାରୀଙ୍କ ସହାୟତାରେ ଅଗ୍ନିଶମ ବାହିନୀ ଜରୁରୀକାଳୀନ ୱାର୍ଡର ରୋଗୀଙ୍କ ସମେତ ୨୨ ଜଣ ରୋଗୀଙ୍କୁ ହସ୍ପିଟାଲ ପରିସର ମଧ୍ୟରେ ଅନ୍ୟ ଏକ ସ୍ଥାନକୁ ସ୍ଥାନାନ୍ତର କରିଥିଲା।

ରେଳ ହସ୍ପିଟାଲରେ ଅଗ୍ନିକାଣ୍ଡ ସମ୍ପର୍କରେ ରିପୋର୍ଟରୁ ଜଣାପଡିଛି ଯେ ସିସିଟିଭି ସର୍ଭର ରୁମ୍‌ରୁ ନିଆଁ ଲାଗିଥିଲା। ସର୍ଭର ରୁମ୍‌ରେ ସର୍ଟସର୍କିଟ୍ ଯୋଗୁଁ ଲାଗିଥିବା ନିଆଁକୁ ଗୋଟିଏ ଘଣ୍ଟା ମଧ୍ୟରେ ନିୟନ୍ତ୍ରଣ କରାଯାଇଥିଲା। କୌଣସି କ୍ଷୟକ୍ଷତିର ରିପୋର୍ଟ ନାହିଁ।

ହସ୍ପିଟାଲ ପ୍ରଶାସନ କହିଛି ଯେ ସର୍ଭର ରୁମ୍ ଏବଂ ସିସି ଟିଭି ରୁମ୍‌ରେ ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଥିଲା, ଯାହାକୁ ସମୟ ମଧ୍ୟରେ ନିୟନ୍ତ୍ରଣ କରାଯାଇଥିଲା। ହସ୍ପିଟାଲ କର୍ମଚାରୀ ଏବଂ ଅଗ୍ନିଶମ ଦଳ ହ୍ୱିଲଚେୟାର ଏବଂ ଅନ୍ୟାନ୍ୟ ଉପକରଣ ବ୍ୟବହାର କରି ରୋଗୀମାନଙ୍କୁ ସ୍ଥାନାନ୍ତର କରିଥିଲେ। ଦୁଇଟି ଅଗ୍ନିଶମ ଗାଡ଼ି ସାହାଯ୍ୟରେ ଗୋଟିଏ ଘଣ୍ଟା ମଧ୍ୟରେ ନିଆଁକୁ ନିୟନ୍ତ୍ରଣ କରାଯାଇଥିଲା।

ଅଧିକ ପଢ଼ନ୍ତୁ: ସାମ୍ନାକୁ ଆସିଲା ମାସୁଦ ଆଝାରର ବିପଦପୂର୍ଣ୍ଣ ଯୋଜନା