ଶ୍ରୀନଗର: ଜମ୍ମୁ କଶ୍ମୀରର କିସ୍ତୱାଡ଼ରେ  ରବିବାର ସକାଳଠାରୁ  ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଏନକାଉଣ୍ଟର ଚାଲିଛି। ସେନାର ହ୍ୱାଇଟ୍ ନାଇଟ୍ କର୍ପସ ସୂଚନା ଦେଇଛି ଯେ ଗୁଇନ୍ଦା ସୂଚନା ଆଧାରରେ ଏହି କାର୍ଯ୍ୟାନୁଷ୍ଠାନ ନିଆଯାଇଥିଲା। କିସ୍ତୱାଡ଼ର ଦୁଲ ଅଞ୍ଚଳରେ ଆତଙ୍କବାଦୀଙ୍କ ଉପସ୍ଥିତି ନିଶ୍ଚିତ କରିବା ପରେ ସୁରକ୍ଷା ବାହିନୀ ଅଗଷ୍ଟ ୧୦ ତାରିଖ ସକାଳେ ଅପରେସନ ଆରମ୍ଭ କରିଥିଲେ। ଏହି ସମୟରେ ଆତଙ୍କବାଦୀମାନେ ଗୁଳି ଚଳାଇବା ଆରମ୍ଭ କରିଥିଲେ। ସେନା କହିଛି ଯେ ଅପରେସନ ବର୍ତ୍ତମାନ ଚାଲିଛି ଏବଂ କୌଣସି ଆତଙ୍କବାଦୀ ଖସିଯିବାର ସମ୍ଭାବନା ନଥିବା ଯୋଗୁଁ ଅଞ୍ଚଳକୁ ଘେରାବନ୍ଦୀ କରାଯାଇଛି।

ଜମ୍ମୁ କଶ୍ମୀରର କୁଲଗାମରେ ସେନା ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଭୀଷଣ ଗୁଳିବିନିମୟ ହୋଇଥିଲା। ଏହି ଏନକାଉଣ୍ଟରରେ ସେନାର ଦୁଇ ଜଣ ଯବାନ ସହିଦ ହୋଇଥିଲେ। ୧୦ ଜଣ ଯବାନ ଆହତ ହୋଇଥିଲେ। ସେମାନର ଯବାନମାନେ  ଜଣେ ଆତଙ୍କବାଦୀଙ୍କୁ ମଧ୍ୟ ନିପାତ କରିଥିଲେ।

ଅଧିକ ପଢ଼ନ୍ତୁ: ଭାରତ ପାଇଁ ଏୟାରସ୍ପେସ୍ ବନ୍ଦ କରିବା ପାକିସ୍ତାନ ପାଇଁ ହେଲା ମହଙ୍ଗା