ବୌଦ୍ଧ ଡେପୁଟି କଲେକ୍ଟର ଶରତ ବାଗ୍ ଘରୋଇ ହିଂସା ମାମଲାରେ ଗିରଫ
Khabar Odisha:Boudha-deputy-collector-Sarat-Bagh-arrested-in-connection-with-a-domestic-violence-case
ବୌଦ୍ଧ,ସେପ୍ଟେମ୍ବର ୨୯ (ଖବର ଓଡ଼ିଶା):

ପତ୍ନୀଙ୍କ ଅଭିଯୋଗ ପରେ ବୌଦ୍ଧ ଡେପୁଟି କଲେକ୍ଟର ଶରତ ବାଗଙ୍କୁ ଗିରଫ କରାଯାଇଛି । ଝାରସୁଗୁଡ଼ା ଟାଉନ ଥାନା ପୋଲିସ ତାଙ୍କୁ ଗିରଫ କରିଛି । ଗତକାଲି ପତ୍ନୀ ତାଙ୍କ ବିରୋଧରେ ମାରପିଟ୍ କରିଥିବା ନେଇ ବିଟିଏମ ଫାଣ୍ଡିରେ  ଅଭିଯୋଗ କରିଥିଲେ ।

ବୌଦ୍ଧ ଜିଲ୍ଲାରେ ଡେପୁଟି କଲେକ୍ଟର ଭାବେ ଅବସ୍ଥାପିତ ଥିବା ଶରତ ବାଗ୍ କୌଣସି କାମରେ ଝାରସୁଗୁଡା ଆସିଥିବା ସମୟରେ ତାଙ୍କର ପତ୍ନୀ ଡୋଳିଆ ଦେବନାଥଙ୍କ ସହିତ ସାମାନ୍ୟ ବଚସା ପରେ ଝଗଡା ହୋଇଥିଲା । ଏହା ପରେ ସେ ଓ ତାଙ୍କର ସାଥୀ ମିଶି ତାଙ୍କୁ ମାଡ ମାରିଥିବା ଅଭିଯୋଗ ହୋଇଛି ।

କୌଶଳ କ୍ରମେ ସେ ସେଠାରୁ ଖସି ଆସି ଝାରସୁଗୁଡା ଏସପିଙ୍କ ନିକଟରେ ଫେରାଦ ହୋଇଥିଲେ । ମୌଖିକ ଅଭିଯୋଗ ପରେ ତୁରନ୍ତ ତାଙ୍କର ଜିଲ୍ଲା ଡାକ୍ତରଖାନାକୁ ନେଇ ପରୀକ୍ଷା କରାଯାଇଥିଲା । ଡାକ୍ତରଖାନାରୁ ଫେରିବା ପରେ ସେ ଥାନାରେ ଏତଲା କରିଛନ୍ତି । ଶରତ ବାଗ ଏବଂ ତାଙ୍କର ପତ୍ନୀଙ୍କ ମାମଲା ଏବେ କୋର୍ଟରେ ବିଚାରାଧୀନ ରହିଛି ।

  • Tags:

Subscribe

National International State Sports Entertainment