ନୂଆଦିଲ୍ଲୀ: ୱାକଫ ବୋର୍ଡକୁ ନିୟନ୍ତ୍ରଣ କରୁଥିବା ଆଇନରେ ସଂଶୋଧନ ପାଇଁ କେନ୍ଦ୍ର ସଂଖ୍ୟାଲଘୁ ବ୍ୟାପାର ମନ୍ତ୍ରୀ କିରଣ ରିଜିଜୁ ଗୁରୁବାର ଲୋକସଭାରେ ଏକ ବିଲ୍ ଉପସ୍ଥାପନ କରିବାକୁ ଯାଉଛନ୍ତି। ଲୋକସଭାରେ ଏହି ବିଲ୍‌ ଗୃହୀତ ହେବା ପୂର୍ବରୁ ଅନେକ ସାଂସଦ ବିରୋଧ କରିସାରିଛନ୍ତି।

ଏହି ବିଲକୁ ଆଜି ବି ଲୋକସଭାରେ ମୁସଲମାନ ସାଂସଦଙ୍କ ବିରୋଧର ସମ୍ମୁଖୀନ ହେବାକୁ ପଡ଼ିପାରେ। କେନ୍ଦ୍ରୀୟ ପୋର୍ଟାଲ ମାଧ୍ୟମରେ ୱାକଫ୍ ସମ୍ପତ୍ତିପଞ୍ଜୀକରଣ କରିବାର ଶୈଳୀକୁ ସୁବ୍ୟବସ୍ଥିତ କରିବା ଏହି ବିଲ୍ ର ଲକ୍ଷ୍ୟ। ୨୦୧୪ ଫେବ୍ରୁଆରି ୧୮ତାରିଖରେ ରାଜ୍ୟସଭାରେ ଏହି ବିଲ୍ ଆଗତ ହୋଇଥିଲା।

ଏହି ଆଇନକୁ ଲୋକସଭାରେ ସର୍ବସମ୍ମତିକ୍ରମେ ପାରିତ କରାଇବା ସରକାରଙ୍କ ପ୍ରାଥମିକତା ଏବଂ ଏହାକୁ ମିଳିତ ଭାବେ ପଠାଇବା ପାଇଁ କମିଟି ନିକଟରେ ଅଧିକ ଆଲୋଚନା ପାଇଁ ମଧ୍ୟ ପ୍ରସ୍ତୁତ ଥିବା ସୂତ୍ରରୁ ପ୍ରକାଶ। ଗତ ଦୁଇ ମାସ ମଧ୍ୟରେ ସରକାର ଏହି ବିଲ୍ ଉପରେ ପ୍ରାୟ ୭୦ଟି ଗୋଷ୍ଠୀଙ୍କ ସହ ପରାମର୍ଶ କରିଛନ୍ତି। ଏହି ବିଲ୍‌ର ଉଦ୍ଦେଶ୍ୟ ହେଉଛି ଗରିବ ମୁସଲମାନ ଏବଂ ମୁସଲମାନ ମହିଳାଙ୍କୁ ନ୍ୟାୟ ପ୍ରଦାନ କରିବା ସହିତ ୱାକଫ୍‌ ସମ୍ପତ୍ତିକୁ ବେଆଇନ ଦଖଲରୁ ମୁକ୍ତ କରିବା।

ଦେଶରେ ୩୦ଟି ଓ୍ଵାକଫ୍ ବୋର୍ଡ ରହିଛି, ଯେଉଁମାନେ ୮ ଲକ୍ଷ ଏକରରୁ ଅଧିକ ଜମିକୁ ନିୟନ୍ତ୍ରଣ କରୁଛନ୍ତି। ଏହା ଦ୍ୱାରା ସେ ରେଳବାଇ ଏବଂ ପ୍ରତିରକ୍ଷା ମନ୍ତ୍ରଣାଳୟ ପରେ ରିଅଲ ଇଷ୍ଟେଟ୍ର ତୃତୀୟ ବୃହତ୍ତମ ମାଲିକ ଅଟନ୍ତି। ଏହି ବିଲରେ ସେଣ୍ଟ୍ରାଲ ୱାକଫ କାଉନସିଲ ଏବଂ ଷ୍ଟେଟ ୱାକଫ ବୋର୍ଡ ଗଠନ ପାଇଁ ପ୍ରସ୍ତାବ ଦିଆଯାଇଛି, ଯେଉଁଥିରେ ମୁସଲିମ ମହିଳା ଏବଂ ଅଣମୁସଲମାନମାନଙ୍କର ପ୍ରତିନିଧିତ୍ୱ ରହିବ। ଏହାବ୍ୟତୀତ ପ୍ରସ୍ତାବିତ ବିଲ୍ ଅନୁଯାୟୀ ଓ୍ଵାକଫ୍ ସମ୍ପତ୍ତିରୁ ସମସ୍ତ ଆୟ ଦାନରେ ଖର୍ଚ୍ଚ କରିବାକୁ ପଡ଼ିବ।

ବିଲ୍‌ରେ ପ୍ରସ୍ତାବ ରହିଛି ଯେ ସମ୍ପତ୍ତି ୱାକଫ୍ ସମ୍ପତ୍ତି ନା ସରକାରୀ ଜମି ତାହା ଜିଲ୍ଲାପାଳ ସ୍ଥିର କରିବେ। ଏଥିରେ ବୋହରା ଏବଂ ଆଗାଖାନିଙ୍କ ପାଇଁ ଏକ ପୃଥକ ଓକାଫ୍ ବୋର୍ଡ ଗଠନ କରିବାକୁ ମଧ୍ୟ ପ୍ରସ୍ତାବ ଦିଆଯାଇଛି। ଡ୍ରାଫ୍ଟ ଆଇନରେ ମୁସଲମାନ ସମ୍ପ୍ରଦାୟ ମଧ୍ୟରେ ଶିଆ, ସୁନ୍ନି, ବୋହରା, ଅଘଖାନୀ ଏବଂ ଅନ୍ୟାନ୍ୟ ପଛୁଆ ବର୍ଗଙ୍କ ପ୍ରତିନିଧିତ୍ୱ ପାଇଁ ବ୍ୟବସ୍ଥା କରାଯାଇଛି।