ଶ୍ରୀନଗର: ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣର ଦିନକ ପରେ ଆଜି ଜମ୍ମୁ କଶ୍ମୀରର ସରକାରଙ୍କର କ୍ୟାବିନେଟ୍ ବୈଠକ ଆୟୋଜନ କରାଯାଉଛି। ଏହା ପୂର୍ବରୁ ଜମ୍ମୁ-କଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ତାଙ୍କ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରିଛନ୍ତି। ଉପରାଜ୍ୟପାଳ ମନୋଜ ସିହ୍ନା ମଧ୍ୟ ଏ ନେଇ ଏକ ନିର୍ଦ୍ଦେଶନାମା ଜାରି କରିଛନ୍ତି।

ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଉପମୁଖ୍ୟମନ୍ତ୍ରୀ ସୁରେନ୍ଦ୍ର ଚୌଧୁରୀଙ୍କୁ ପୂର୍ତ୍ତ ବିଭାଗ, ଖଣି, ଶ୍ରମ ଓ ନିଯୁକ୍ତି ଏବଂ ଦକ୍ଷତା ବିକାଶ ବିଭାଗ ଦାୟିତ୍ୱ ଦେଇଛନ୍ତି। ସକିନା ମାସୁଦ ଇଟୁଙ୍କୁ ସ୍ୱାସ୍ଥ୍ୟ ଓ ଚିକିତ୍ସା ଶିକ୍ଷା, ବିଦ୍ୟାଳୟ ଶିକ୍ଷା, ଉଚ୍ଚଶିକ୍ଷା ଓ ସମାଜ କଲ୍ୟାଣ ବିଭାଗଦାୟିତ୍ୱ ଦିଆଯାଇଛି।

ଜାଭେଦ ଅହମ୍ମଦ ରାଣା ଜଳଶକ୍ତି, ଜଙ୍ଗଲ ପରିବେଶ ଏବଂ ତୁର୍ବାଲ ବ୍ୟାପାର ଦାୟିତ୍ୱ ତୁଲାଇବେ। ଜାଭେଦ ଅହମ୍ମଦ ଡାରଙ୍କୁ କୃଷି ଉତ୍ପାଦନ ବିଭାଗ, ଗ୍ରାମ୍ୟ ଉନ୍ନୟନ ଏବଂ ପଞ୍ଚାୟତିରାଜ, ସମବାୟ ଓ ନିର୍ବାଚନ ବିଭାଗ ଦିଆଯାଇଛି।

ସତୀଶ ଶର୍ମାଙ୍କୁ ଖାଦ୍ୟ ଓ ବେସାମରିକ ଯୋଗାଣ, ଖାଉଟି ବ୍ୟାପାର, ପରିବହନ, ବିଜ୍ଞାନ ଓ ପ୍ରଯୁକ୍ତିବିଦ୍ୟା, ଯୁବ ସେବା, କ୍ରୀଡ଼ା ବିଭାଗର ଦାୟିତ୍ୱ ଦିଆଯାଇଛି। ଅନ୍ୟ ାନ୍ୟ ବିଭାଗ ମୁଖ୍ୟମନ୍ତ୍ରୀଙ୍କ ଅଧୀନରେ ରହିବ।

ଅଧିକ ପଢ଼ନ୍ତୁ: ଦିଲ୍ଲୀରେ ଏକ ଘରେ ଅଗ୍ନିକାଣ୍ଡ ଘଟି ୨ ଜଣଙ୍କ ମୃତ୍ୟୁ