ଗୁରୁଗ୍ରାମ: ଦିଲ୍ଲୀ ଉପକଣ୍ଠ ଗୁରୁଗ୍ରାମର ସେକ୍ଟର ୨୧ରେ ଥିବା ଏକ କାର୍ଡବୋର୍ଡ ଗୋଦାମରେ ରବିବାର ଭୋର୍ ସକାଳୁ ଭୟାବହ ଅଗ୍ନିକାଣ୍ଡ ଘଟିଛି। ଘଟଣାସ୍ଥଳରେ ଦମକଳ ବାହିନୀର ଡଜନାଧିକ ଗାଡ଼ି ମୁତୟନ ଅଛନ୍ତି। ତେବେ ଦୁର୍ଘଟଣାର କାରଣ ଜଣାପଡ଼ିନାହିଁ। ପ୍ରାୟ ୨୫ଟି ଦମକଳ ଗାଡ଼ି ନିଆଁ ଲିଭାଇବାରେ ନିୟୋଜିତ ଅଛନ୍ତି।
କାର୍ଡବୋର୍ଡ ଗୋଦାମରେ ନିଆଁ ଲାଗିବା ପରେ ଧୀରେଧୀରେ ନିଆଁ ବ୍ୟାପିବାରେ ଲାଗିଥିଲା, ଯାହା ପରେ ସ୍ଥାନୀୟ ଲୋକେ ଅଗ୍ନିଶମ ବାହିନୀକୁ ଖବର ଦେଇ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ।
ନିଆଁ ଏତେ ତୀବ୍ର ଥିଲା ଯେ ଏହାର ନିଆଁ ଅନେକ କିଲୋମିଟର ଦୂରରୁ ଦେଖିବାକୁ ମିଳିଥିଲା। ଏହି ଘଟଣାରେ କେହି ମୃତାହତ ହୋଇନଥିବା ଜଣାପଡିଛି। ତେବେ ଅଗ୍ନିକାଣ୍ଡରେ ବହୁ କ୍ଷତି ହୋଇଥିବା ଆଶଙ୍କା କରାଯାଉଛି।
ସେକ୍ଟରବାସିନ୍ଦାଙ୍କ କହିବା ଅନୁଯାୟୀ, ଏହି ସେକ୍ଟର ମଝିରେ ବେଆଇନ ଗୋଦାମ ଗୃହ ନିର୍ମାଣ କରାଯାଇଛି। ସେମାନଙ୍କୁ ହଟାଇବା ପାଇଁ ଆମେ ଅନେକ ଥର ଜିଲ୍ଲା ପ୍ରଶାସନର ଦ୍ୱାରସ୍ଥ ହୋଇଛୁ କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ।
ଅଧିକ ପଢ଼ନ୍ତୁ: ଜୀବନ ବଞ୍ଚାଇବା ପାଇଁ ଟ୍ରେନ୍ରୁ ଡେଇଁଲେ ଯାତ୍ରୀ