ଭୋପାଳ: ମଧ୍ୟପ୍ରଦେଶର ଝାବୁଆ ଜିଲ୍ଲାର ଥାଣ୍ଡଲା-ମେଘନଗର ମଧ୍ୟରେ ସାଞ୍ଜେଲି ରେଳ କ୍ରସିଂ ନିକଟରେ ମଙ୍ଗଳବାର-ବୁଧବାର ବିଳମ୍ବିତ ରାତିରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୯ ଜଣଙ୍କର ମୃତ୍ୟୁ ଘଟିଛି। ବୁଧବାର ରାତି ପ୍ରାୟ ୨ଟାରେ ନିର୍ମାଣାଧୀନ ଓଭର ବ୍ରିଜ୍ ପାଖରେ ଏକ ମୋଡ଼ରେ ଏକ ଟ୍ରଲି ଏବଂ ଏକ କାର ଧକ୍କା ହୋଇଥିଲା।

ରାଜସ୍ଥାନରୁ ସିମେଣ୍ଟ ବୋଝେଇ ଏକ ଟ୍ରକ୍ ଏକ ମାରୁତି ଇକୋ ଭ୍ୟାନ୍ ଉପରେ ଓଲଟି ପଡ଼ିଥିଲା। ଇକୋରେ ଥିବା ୧୧ ଜଣଙ୍କ ମଧ୍ୟରୁ ୯ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା। ଭୋର ପ୍ରାୟ ୩ ରୁ ୪ ଟା ସମୟରେ ଗୋଟିଏ ପରିବାରର ଲୋକମାନେ ଏକ ବିବାହ କାର୍ଯ୍ୟକ୍ରମରୁ ଫେରୁଥିବା ସମୟରେ ଏହି ଦୁର୍ଘଟଣା ଘଟିଥିଲା ବୋଲି କୁହାଯାଉଛି।

ମୃତକଙ୍କ ମଧ୍ୟରୁ ଆଠ ଜଣ ଥାଣ୍ଡଲା ନିକଟସ୍ଥ ଶିବଗଡ଼ ମହୁଦାର ବାସିନ୍ଦା ବୋଲି ଜଣାପଡ଼ିଛି। ଅନ୍ୟ ଜଣେ ମୃତକ ଶିବଗଡ଼ ନିକଟସ୍ଥ ଏକ ଗ୍ରାମର ବୋଲି ଜଣାପଡ଼ିଛି।  

ଝାବୁଆ ପୋଲିସ ଅଧିକ୍ଷକ ପଦ୍ମବିଲୋଚନ ଶୁକ୍ଲା ଏହି ଘଟଣାର ତଦନ୍ତ କରୁଛନ୍ତି। ସେ କହିଛନ୍ତି, ଟ୍ରକଟି ମେଘନଗର ତହସିଲ ଅଞ୍ଚଳ ଅନ୍ତର୍ଗତ ସାଞ୍ଜେଲି ରେଳ କ୍ରସିଂ ନିକଟରେ ଏକ ଅସ୍ଥାୟୀ ରାସ୍ତାରୁ ନିର୍ମାଣାଧୀନ ରେଳ ଓଭର ବ୍ରିଜ୍  ଅତିକ୍ରମ କରୁଥିଲା। ଏହା ଭାରସାମ୍ୟ ହରାଇ ଏକ ଭ୍ୟାନ ଉପରେ ଓଲଟି ପଡ଼ିଲା।

ଅଧିକ ପଢ଼ନ୍ତୁ: ପାକିସ୍ତାନ ସଂଲଗ୍ନ ବାୟୁସୀମାରେ ଭାରତୀୟ ବାୟୁସେନାର ଅଭ୍ୟାସ