କୋଟା: ରାଜସ୍ଥାନ କୋଟାର ଏକ କୋର୍ଟ ଗୋଟିଏ ପରିବାରର ୧୨ ଜଣଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଆଠ ବର୍ଷ ପୂର୍ବେ ଏହି ବ୍ୟକ୍ତିମାନଙ୍କର ଏକ ଛେଳିକୁ ନେଇ ପଡ଼ୋଶୀଙ୍କ ସହ ବିବାଦ ହୋଇଥିଲା। ବିବାଦର ସମାଧାନ କରିବାକୁ ଆସିଥିବା ଦୁଇ ଯୁବକ  ଇସ୍ତିଆକ୍ ଏବଂ ଯଶପାଲଙ୍କୁ ଛୁରୀ, ଲାଠି ଏବଂ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିଲା। ଇସ୍ତିଆକ୍ ଗୁରୁତର ଆହତ ହୋଇଥିଲେ।

ପରେ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ମାମଲାର ଶୁଣାଣି କରି କୋର୍ଟ ସମସ୍ତ ଅଭିଯୁକ୍ତ, ୧୦ ପୁରୁଷ ଏବଂ ଦୁଇ ମହିଳାଙ୍କୁ ଆଜୀବନ କାରାଦଣ୍ଡ ଘୋଷଣା କରିଥିଲେ। ଅତିରିକ୍ତ ସେସନ୍ସ ଜଜ୍ ଶ୍ୱେତା ଶର୍ମା ଅଭିଯୁକ୍ତମାନଙ୍କ ଉପରେ ପ୍ରତ୍ୟେକଙ୍କୁ ୧୩,୦୦୦ ଟଙ୍କା ଜରିମାନା ମଧ୍ୟ କରିଛନ୍ତି।

ଆଇନଜୀବୀ ରିଆଜ ଅହମ୍ମଦ କହିଛନ୍ତି ୨୦୧୮ ଅଗଷ୍ଟ ୩୧ରେ ଏହି ମାମଲା ଥିଲା। ଆକ୍ରମଣରେ ଇସ୍ତିଆକ୍ ହୁସେନଙ୍କ ମୃତ୍ୟୁ ହୋଇଥିଲା। ମୁଖ୍ୟ ଅଭିଯୁକ୍ତ ରମଜାନି (୫୭), ତାଙ୍କ ସ୍ତ୍ରୀ ଫରଜାନା (୪୩), ସେମାନଙ୍କ ପୁଅ ମୁଖତାର (୩୧), ମୁସ୍ତାକ (୨୯) ଏବଂ ଅନ୍ୟ ଆଠ ଜଣଙ୍କୁ, ସମସ୍ତେ ଗୋଟିଏ ପରିବାରର, ଆଠ ବର୍ଷ ପୁରୁଣା ହତ୍ୟା ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା।

ମୁଖ୍ୟ ଅଭିଯୁକ୍ତଙ୍କ ବ୍ୟତୀତ କୋର୍ଟ ମୁବାରିକ ଅଲି (୨୬), ସଦ୍ଦାମ ଖାନ (୩୨), ଶାହିନ ଖାନମ (୩୭), ଶାହରୁଖ ଓରଫ ଲଙ୍ଗଡା (୨୬), ଜାହିର ଖାନ (୩୫), ନଇମୁଦ୍ଦିନ ଓରଫ ସୋଏବ (୨୬), ଶାହଦତ ଓରଫ ଭୈୟୁ (୩୦) ଏବଂ ଶାହରୁଖ (୩୨)ଙ୍କୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।

ଇସ୍ତିଆକଙ୍କ ସମ୍ପର୍କୀୟ ଭାଇ ଜାହିଦ ହୁସେନ ମାମଲା ଦାୟର କରିଥିଲେ। ସେ କହିଥିଲେ ଯେ ତାଙ୍କ କାକା ଅବଦୁଲ ଅଜିଜ ଓରଫ ପପୁଙ୍କର ତାଙ୍କ ପଡ଼ୋଶୀ ରମଜାନିଙ୍କ ସହିତ ଏକ ଛେଳିକୁ ନେଇ ବିବାଦ ହେଉଥିଲା। ବିବାଦର ସମାଧାନ ପାଇଁ ଇସ୍ତିଆକ ହୁସେନ ଓରଫ ଗୁଡ୍ଡୁ ତାଙ୍କ ବନ୍ଧୁ ଯଶପାଳ ଏବଂ କାଲୁ ଓରଫ କମଲଜିତ ରମଜାନିଙ୍କ ଘରକୁ ଯାଇଥିଲେ। କଥାବାର୍ତ୍ତା ସମୟରେ ଯଶପାଳ ଏବଂ ଇସ୍ତିଆକ ନିକଟସ୍ଥ ଏକ ଦୋକାନକୁ ଯାଇଥିଲେ।

ଅଧିକ ପଢ଼ନ୍ତୁ: କଶ୍ମୀରରେ କମ ବିମାନ ଚଳାଚଳ ସମସ୍ୟା ହ୍ରାସ କଲା ପର୍ଯ୍ୟଟକଙ୍କ ଆଗମନ