କରାଚୀ: ସବୁ ଝିଅଙ୍କର ସୁରକ୍ଷାକୁ ନେଇ ବାପାମାନେ ସଦା ସର୍ବଦା ଚିନ୍ତିତ ଥାଆନ୍ତି । କିନ୍ତୁ ସୁରକ୍ଷା ପାଇଁ ଏମିତି ଅଭିନବ ଉପାୟ ବୋଧେ କାହା ମୁଣ୍ଡକୁ ଆସି ନ ଥିବ । ଜଣେ ବାପା ନିଜ ଝିଅର ସୁରକ୍ଷା ପାଇଁ ମୁଣ୍ଡରେ ସିସିଟିଭି କ୍ୟାମେରା ଲଗାଇ ଦେଇଛନ୍ତି । ଘଟଣାଟି ହେଉଛି ପାକିସ୍ତାନର, ଯାହା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଆଉ ଏହି ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । 

ପାକିସ୍ତାନରେ ଜଣେ ଝିଅର ମୁଣ୍ଡର ସିସିଟିଭି କ୍ୟାମେରା ଲଗାଯାଇଥିବା ଦେଖିବାକୁ ମିଳିଛି । ଏହାର କାରଣ ତାଙ୍କୁ ପଚାରିବାରୁ ସେ କହିଥିଲେ ଯେ ତାଙ୍କ ବାପା ଏମିତି କରିଛନ୍ତି । କାରଣ ତାଙ୍କର ସୁରକ୍ଷା ନିମନ୍ତେ ଏପରି କରାଯାଇଥିବା ସେ କହିଥିଲେ । ନିକଟରେ କରାଚୀରେ ଏକ ହିଂସାରେ ଜଣେ ମହିଳା ପ୍ରାଣ ହରାଇଥିଲେ । ସେଥିପାଇଁ ବାପା ଏ ପଦକ୍ଷେପ ନେଇଛନ୍ତି । ଝିଅଟି କହିଛନ୍ତି ଯେ ତାଙ୍କର ସୁରକ୍ଷା ପାଇଁ ପରିବାର ଲୋକ ଏହି ନିଷ୍ପତ୍ତି ନେଇଛନ୍ତି । ଏହା ଦ୍ୱାରା କିଛିଟା ବିପଦକୁ ଏଡ଼ାଇ ଦିଆଯାଇପାରିବ । ଏହା ଦ୍ୱାରା ତାଙ୍କ ପରିବାର ଲୋକ ଗତିବିଧି ଓ ଆସୁଥିବା ବିପଦ ଉପରେ ନଜର ରଖିପାରିବେ ବୋଲି ସେ କହିଛନ୍ତି । ମାତ୍ର ସେ ଏହାର ପ୍ରତିବାଦ ମଧ୍ୟ କରି ନ ଥିଲେ ।