ତେହରାନ: ଇରାନ ଓ ଇସ୍ରାଏଲ ଯୁଦ୍ଧ ମଧ୍ୟରେ ପରମାଣୁ ଆଲୋଚନା ସମ୍ପର୍କରେ ଏକ ବଡ଼ ଖବର ଆସିଛି। ରବିବାର ଓମାନର ରାଜଧାନୀ ମସ୍କଟରେ ଆମେରିକା ସହିତ ପରମାଣୁ ଆଲୋଚନା ବାତିଲ କରାଯାଇଛି। ଓମାନର ବୈଦେଶିକ ମନ୍ତ୍ରୀ ବଦର ଆଲବୁସାଇଦି ଶନିବାର ‘ଏକ୍ସ’ରେ ପୋଷ୍ଟ କରି ଏହି ସୂଚନା ଦେଇଛନ୍ତି।

ଓମାନ ଇରାନ ଏବଂ ଆମେରିକା ମଧ୍ୟରେ ପରମାଣୁ ଆଲୋଚନା ମଧ୍ୟସ୍ଥତା କରୁଥିଲା। ଆଲୋଚନା ବାତିଲ ହେବାର କିଛି ଘଣ୍ଟା ପୂର୍ବରୁ, ଜଣେ ବରିଷ୍ଠ ଇରାନୀ ମନ୍ତ୍ରୀ କହିଥିଲେ ଯେ ଦେଶ ଉପରେ ଇସ୍ରାଏଲୀୟ ଆକ୍ରମଣ ପରେ, ଆମେରିକା ସହିତ ଆଉ ପରମାଣୁ ଆଲୋଚନାର ଆଉ କୌଣସି ଅର୍ଥ ନାହିଁ। ରିପୋର୍ଟ ଅନୁଯାୟୀ, ଜଣେ ଆମେରିକୀୟ ଅଧିକାରୀ କହିଛନ୍ତି ଯେ ତେହରାନର ମନା ପରେ ମଧ୍ୟ ଆମେରିକା ଇରାନ ସହିତ ଆଲୋଚନା କରିବାକୁ ଚାହୁଁଛି।

ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚିଙ୍କ ଏହି ବିବୃତ୍ତି ୟୁରୋପୀୟ ସଂଘର ଶୀର୍ଷ କୂଟନୀତିଜ୍ଞ କାଜା କାଲସଙ୍କ ସହିତ ଫୋନ୍ ମାଧ୍ୟମରେ ଆଲୋଚନା ପରେ ଆସିଛି। ଯେଉଁଥିରେ ସେ କହିଛନ୍ତି ଯେ ଇସ୍ରାଏଲୀୟ ବାୟୁ ଆକ୍ରମଣ ୱାଶିଂଟନର ସିଧାସଳଖ ସମର୍ଥନର ପରିଣାମ। ତଥାପି, ଆମେରିକା ପକ୍ଷରୁ ସ୍ପଷ୍ଟ କରାଯାଇଛି ଯେ ସେମାନେ ଏହି ଆକ୍ରମଣରେ ସାମିଲ ନୁହଁନ୍ତି।

ଅର୍ଦ୍ଧ-ସରକାରୀ ଇରାନୀ ସମ୍ବାଦ ସଂସ୍ଥାଗୁଡ଼ିକୁ ଉଦ୍ଧାର କରି ରିପୋର୍ଟ କରିଛି ଯେ ଇସ୍ରାଏଲ ଏକ ଡ୍ରୋନ୍ ସାହାଯ୍ୟରେ ଇରାନର ପ୍ରାକୃତିକ ଗ୍ୟାସ ପ୍ରକ୍ରିୟାକରଣ ପ୍ଳଟ୍ ଉପରେ ଆକ୍ରମଣ କରିଥିଲା, ଯାହା ଫଳରେ ଏକ ବଡ଼ ବିସ୍ଫୋରଣ ଘଟିଥିଲା। ଏପରି ପରିସ୍ଥିତିରେ, ଯଦି ଏହା ନିଶ୍ଚିତ ହୁଏ, ତେବେ ଏହା ଇରାନର ତୈଳ ଏବଂ ପ୍ରାକୃତିକ ଗ୍ୟାସ ଶିଳ୍ପ ଉପରେ ଇସ୍ରାଏଲର ପ୍ରଥମ ଆକ୍ରମଣ ହେବ।

ଇରାନୀ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଇସମାଇଲ୍ ବାଘେଇ କହିଛନ୍ତି ଯେ ଆମେରିକା ଏପରି କାମ କରିଛି ଯେ ଏବେ ଆଲୋଚନାର କୌଣସି ଅର୍ଥ ନାହିଁ। ସେ କହିଛନ୍ତି ଯେ ଇସ୍ରାଏଲ ଏହାର ଆକ୍ରମଣ ମାଧ୍ୟମରେ ଅପରାଧ କରି ସମସ୍ତ ଲକ୍ଷ୍ମଣ ରେଖା ଅତିକ୍ରମ କରିଛି। ରବିବାର ମସ୍କଟରେ ଅନୁଷ୍ଠିତ ହେବାକୁ ଥିବା ଷଷ୍ଠ ପର୍ଯ୍ୟାୟ ଆଲୋଚନା ବାତିଲ କରିବାର ମୁଖ୍ୟ କାରଣ ହେଉଛି ଜୁନ୍ ୧୩ରେ ଇରାନର ପରମାଣୁ ଏବଂ ସାମରିକ ଘାଟି ଉପରେ ଇସ୍ରାଏଲ ଦ୍ୱାରା କରାଯାଇଥିବା ବିମାନ ଆକ୍ରମଣ।

ଅଧିକ ପଢ଼ନ୍ତୁ: ଏଆଇଏମ୍‌ଆଇଏମ୍‌ ମୁଖ୍ୟ ଓୱେସି କହିଲେ...