ଏଲନ ମସ୍କଙ୍କ ସୋସିଆଲ ମିଡିଆ ପ୍ଲାଟଫର୍ମ ଏକ୍ସକୁ ପାକିସ୍ତାନ ବ୍ୟାନ୍‌ କରିଦେଇଛି। ଦେଶର ସୁରକ୍ଷା ପ୍ରତି ବିପଦ ଦର୍ଶାଇ ଫେବୃଆରୀରେ ହିଁ ଏକ୍ସକୁ ବ୍ୟାନ୍‌ କରିବାକୁ ନେଇ ପାକିସ୍ତାନ ସରକାର ନିର୍ଦ୍ଦେଶ  ଦେଇଥିଲେ। ହେଲେ ବୁଧବାର ଏହି ବ୍ୟାନ୍‌କୁ ନେଇ ବିଧିବଦ୍ଧ ଭାବେ ଘୋଷଣା କରାଯାଇଛି।

ଅନ୍ୟପଟେ  ପାକିସ୍ତାନର ସିନ୍ଧ ହାଇକୋର୍ଟ ସରକାରଙ୍କୁ ‘ଏକ୍ସ’ ଉପରେ ଲାଗିଥିବା ବ୍ୟାନ୍‌କୁ ରଦ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। କୋର୍ଟ ପାକିସ୍ତାନ ସରକାରଙ୍କୁ ଏକ ସପ୍ତାହ ମଧ୍ୟରେ ନିଜର ବ୍ୟାନ୍‌ ହଟାଇବାକୁ କହିଛନ୍ତି।

ସୂଚନା ଯୋଗ୍ୟ , ପାକିସ୍ତାନରେ ଫେବୃଆରୀ ୮ରେ ସାଧାରଣ ନିର୍ବାଚନ ଅନୁଷ୍ଠିତ ହୋଇଥିଲା। ଏହି ସମୟରେ ପାକିସ୍ତାନ ସରକାର ଦ୍ୱାରା ଅନେକ ସୋସିଆଲ ମିଡିଆ ପ୍ଲାଟଫର୍ମକୁ ବ୍ଲକ କରାଯାଇଥିଲା। ଭୋଟିଂ ଦିନ ପାକିସ୍ତାନରେ ପୁରା ଦିନ ଇଣ୍ଟରନେଟ୍‌ ସେବା ବନ୍ଦ ରହିଥିଲା। ନିର୍ବାଚନ ପରେ ଅନ୍ୟ ସୋସିଆଲ ମିଡିଆ ଆକାଉଣ୍ଟ ଖୋଲିଥିଲେ ହେଁ ବ୍ୟବହାରକାରୀ ‘ଏକ୍ସ’ ଆକାଉଣ୍ଟ ଖୋଲି ପାରୁ ନ ଥିଲେ।