ବେଜିଂ: ଜି-୨୦ ଶିଖର ସମ୍ମିଳନୀରେ ଯୋଗ ଦେବା ପାଇଁ ଚୀନ ରାଷ୍ଟ୍ରପତି ସି ଜିନପିଙ୍ଗ ରବିବାର ବ୍ରାଜିଲରେ ପହଞ୍ଚିଛନ୍ତି। ଚୀନ ରାଷ୍ଟ୍ରପତିଙ୍କ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ବ୍ରାଜିଲରେ ପହଂଚିଛନ୍ତି। ଜି-୨୦ ଶିଖର ସମ୍ମିଳନୀ ରେ ଦୁଇ ନେତାଙ୍କ ମଧ୍ୟରେ ସାକ୍ଷାତ ହୋଇପାରେ ବୋଲି ଆଶା କରାଯାଉଛି।

ସିନ୍ହୁଆ ନ୍ୟୁଜ୍ ରିପୋର୍ଟ ଅନୁଯାୟୀ, ଏକ ବିବୃତ୍ତିରେ ଜିନ୍ପିଙ୍ଗ୍ କହିଛନ୍ତି ଯେ ଦୁଇ ଦେଶ ମଧ୍ୟରେ ସମ୍ପର୍କକୁ ଆହୁରି ସୁଦୃଢ଼ କରିବା ପାଇଁ ସେ ବ୍ରାଜିଲ୍ ରାଷ୍ଟ୍ରପତିଙ୍କ ସହ ମତ ବିନିମୟ କରିବାକୁ ଆଗ୍ରହୀ। ଦୁଇ ନେତା ଅନ୍ତର୍ଜାତୀୟ ଓ ଆଞ୍ଚଳିକ ପ୍ରସଙ୍ଗରେ ଆଲୋଚନା କରିବେ ବୋଲି ଆଶା କରାଯାଉଛି। ଋଷରେ ଅନୁଷ୍ଠିତ ବ୍ରିକ୍ସ ଶିଖର ସମ୍ମିଳନୀ ଅବସରରେ ଦୁଇ ନେତା ସାକ୍ଷାତ କରିଥିଲେ।

ବୈଠକରେ ଅର୍ଥନୈତିକ ଅଭିବୃଦ୍ଧି, ଜଳବାୟୁ ସଙ୍କଟ ଏବଂ ଅନ୍ତର୍ଜାତୀୟ ବାଣିଜ୍ୟ ଉପରେ ଆଲୋଚନା ହେବ। ଏସିଆର ଦୁଇ ଶକ୍ତିଶାଳୀ ଦେଶର ମୁଖ୍ୟଙ୍କ ବୈଠକ ଉପରେ ସାରା ବିଶ୍ୱର ନଜର ରହିବ। ୨୦୨୨ରେ ଭାରତ-ଚୀନ୍ ବାଣିଜ୍ୟ ୧୩୫ ବିଲିୟନ ଡଲାର ଛୁଇଁଛି। ଦୁଇ ଦେଶ ମଧ୍ୟରେ ଅର୍ଥନୈତିକ ଭାଗିଦାରୀରେ ଉନ୍ନତି ଆଣିବାର ଯଥେଷ୍ଟ ସୁଯୋଗ ରହିଛି। ପୂର୍ବ ଲଦାଖରେ ପ୍ରକୃତ ନିୟନ୍ତ୍ରଣ ରେଖା (ଏଲ୍ଏସି)ରେ ଚୀନ୍ ସହ ବିବାଦର ସମାଧାନ ହେବା ପରେ ଦୁଇ ନେତାଙ୍କ ମଧ୍ୟରେ ଏହି ବୈଠକ ହେବାର କାର୍ଯ୍ୟକ୍ରମ ରହିଛି।

ଏଲଏସିକୁ ନେଇ ଦୁଇ ଦେଶ ମଧ୍ୟରେ ସୀମା ବିବାଦର ସମାଧାନ ପରେ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ନିକଟରେ କହିଥିଲେ ଯେ ଶେଷ ପର୍ଯ୍ୟାୟ ସାମରିକ ପ୍ରତ୍ୟାହାର ପରେ ଭାରତ ଏବଂ ଚୀନ୍ ମଧ୍ୟରେ ସମ୍ପର୍କରେ କିଛି ଉନ୍ନତି ଆଶା କରିବା ଯୁକ୍ତିଯୁକ୍ତ, କିନ୍ତୁ ଏହି ପଦକ୍ଷେପ ହିଁ ଦୁଇ ପଡ଼ୋଶୀ ଦେଶ ମଧ୍ୟରେ ସମ୍ପର୍କକୁ ପୁରୁଣା ରୂପକୁ ଫେରାଇ ଆଣିପାରିବ ବୋଲି କହିବାକୁ କୁଣ୍ଠାବୋଧ କରିଥିଲେ।

ଏହି କାର୍ଯ୍ୟକ୍ରମରେ ବୈଦେଶିକ ମନ୍ତ୍ରୀ କହିଥିଲେ ଯେ ମୁଁ ସେନା ପ୍ରତ୍ୟାହାରକୁ କେବଳ ସେମାନଙ୍କର ପଛଘୁଞ୍ଚା ଭାବରେ ଦେଖୁଛି, ଅଧିକ କିଛି କମ୍ ନୁହେଁ । ପାଖାପାଖି ସାଢ଼େ ୪ ବର୍ଷ ର ବ୍ୟବଧାନ ପରେ ଉଭୟ ପକ୍ଷ ସୀମାରେ ନିଜ ନିଜ ପାଟ୍ରୋଲିଂ କାର୍ଯ୍ୟ ଆରମ୍ଭ କରିଛନ୍ତି।

ଅଧିକ ପଢ଼ନ୍ତୁ: ଜଳବାୟୁ ଆଲୋଚନା ଉପରେ ସମଗ୍ର ବିଶ୍ୱ ରଖିବ ନଜର