ୱାଶିଂଟନ: ଇରାନର କ୍ଷେପଣାସ୍ତ୍ର ଆକ୍ରମଣ ପରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇସ୍ରାଏଲକୁ ସ୍ୱତନ୍ତ୍ର ପରାମର୍ଶ ଦେଇଛନ୍ତି। ଟ୍ରମ୍ପ କହିଛନ୍ତି ଯେ ଇରାନର ଆକ୍ରମଣର ଜବାବରେ ଇସ୍ରାଏଲ ଇରାନର ପରମାଣୁ ପ୍ରତିଷ୍ଠାନ ଉପରେ ଆକ୍ରମଣ କରିବା ଉଚିତ।  

ଉତ୍ତର କାରୋଲିନାରେ ଏକ ନିର୍ବାଚନୀ ରାଲିରେ ଉଦ୍‌ବୋଧନ ଦେଇ ପୂର୍ବତନ ରାଷ୍ଟ୍ରପତି ଇରାନର ପରମାଣୁ କାର୍ଯ୍ୟକ୍ରମକୁ ଇସ୍ରାଏଲ ଟାର୍ଗେଟ କରିବାର ସମ୍ଭାବନା ବିଷୟରେ ବାଇଡେନ୍‌ଙ୍କୁ କିଛି ଦିନ ତଳେ ପଚରାଯାଇଥିବା ଏକ ପ୍ରଶ୍ନର ଉଦାହରଣ ଦେଇଛନ୍ତି। ଟ୍ରମ୍ପ ବାଇଡେନଙ୍କୁ ପଚାରିଥିଲେ, ଆପଣ ଇରାନ ବିଷୟରେ କ'ଣ ଭାବୁଛନ୍ତି, ଆପଣ ଇରାନ ଉପରେ ଆକ୍ରମଣ କରିବେ କି? ନଚେତ୍ ପରମାଣୁ ବୋମା ନ ପକାଇବା ପର୍ଯ୍ୟନ୍ତ ସେମାନେ କିଛି କରିବେ ନାହିଁ।  

ବୁଧବାର ବାଇଡେନଙ୍କୁ ପଚରା ଯାଇଥିଲା ଯେ ସେ ଇରାନର ପରମାଣୁ ସ୍ଥଳଉପରେ ଆକ୍ରମଣକୁ ସମର୍ଥନ କରିବେ କି, ଯାହାର ଉତ୍ତର ତାଙ୍କ ପାଖରେ ନାହିଁ ବୋଲି ଆମେରିକା ରାଷ୍ଟ୍ରପତି କହିଛନ୍ତି। ଟ୍ରମ୍ପ କହିଛନ୍ତି, ମୁଁ ଭାବୁଛି ବାଇଡେନ୍ ଏହା ଭୁଲ କରୁଛନ୍ତି। ଆଣବିକ ଅସ୍ତ୍ର ଉପରେ ପରମାଣୁ ଆକ୍ରମଣକୁ ବାଇଡେନ ଖୋଲାଖୋଲି ସମର୍ଥନ କରିବା ଉଚିତ। ଟ୍ରମ୍ପ କହିଛନ୍ତି ଯେ ଆମେରିକା ପାଇଁ ସବୁଠାରୁ ବଡ଼ ବିପଦ ହେଉଛି ପରମାଣୁ ଅସ୍ତ୍ର।

ଟ୍ରମ୍ପ କହିଛନ୍ତି ଯେ ଯେତେବେଳେ ବାଇଡେନଙ୍କୁ ପଚରାଗଲା ଯେ ସେ ଏ ବିଷୟରେ କ'ଣ ଭାବୁଛନ୍ତି, ତାଙ୍କ ଉତ୍ତର ହେବା ଉଚିତ୍ ଥିଲା, ପ୍ରଥମେ ପରମାଣୁ ଆକ୍ରମଣ କରିବା ଉଚିତ୍‌ ଥିଲା ଏବଂ ପରେ ବାକି ବିଷୟରେ ଚିନ୍ତା କରନ୍ତୁ। 

ଇସ୍ରାଏଲ ଉପରକୁ ପାଖାପାଖି ୨୦୦ ଇରାନ କ୍ଷେପଣାସ୍ତ୍ର ମାଡ଼ର ଜବାବରେ ବାଇଡେନ ବୁଧବାର ଇରାନର ପରମାଣୁ ପ୍ରତିଷ୍ଠାନ ଉପରେ ଏଭଳି ଆକ୍ରମଣକୁ ବିରୋଧ କରିଥିଲେ। ବାଇଡେନ କହିଥିଲେ, ଇସ୍ରାଏଲବାସୀ କ'ଣ କରିବାକୁ ଯାଉଛନ୍ତି ସେ ନେଇ ଆମେ ସେମାନଙ୍କ ସହ ଆଲୋଚନା କରିବାକୁ ଯାଉଛୁ। ସେ ଆହୁରି ମଧ୍ୟ କହିଛନ୍ତି ଯେ ଜି-୭ର ସମସ୍ତ ସଦସ୍ୟ ଏକମତ ହୋଇଛନ୍ତି ଯେ ଇସ୍ରାଏଲର ଜବାବ ଦେବାର ଅଧିକାର ଅଛି, କିନ୍ତୁ ସେମାନେ ବଡ଼ ଧରଣର ଆକ୍ରମଣ କରିବା ଉଚିତ୍ ନୁହେଁ। 

ଅଧିକ ପଢ଼ନ୍ତୁ: ଆମେରିକା ନିର୍ବାଚନ ଫଳାଫଳକୁ ବଦଳାଇବାକୁ ଚାହୁଁଛି କି ଇସ୍ରାଏଲ?