ନୂଆଦିଲ୍ଲୀ: ଭାରତୀୟ ସିନେମାରେ ପ୍ରାୟତଃ ଖାନ୍ ତ୍ରିଶକ୍ତି କିମ୍ବା ସାଉଥ୍ ସୁପରଷ୍ଟାରମାନଙ୍କର ପ୍ରଭାବ ରହିଥାଏ, କିନ୍ତୁ ଜଣେ ଅଭିନେତା ଚୁପଚାପ୍ ବକ୍ସ ଅଫିସରେ ଏଭଳି ଏକ ରେକର୍ଡ କରିଛନ୍ତି ଯାହାକୁ ଭାଙ୍ଗିବା ଏବେ ଅସମ୍ଭବ ମନେ ହେଉଛି। ଗତ ପାଞ୍ଚ ବର୍ଷ ମଧ୍ୟରେ ଏହି ଅଭିନେତା ନିଜର ଦମଦାର ଉପସ୍ଥିତି ଦ୍ୱାରା ୧୦୦୦ କୋଟି କ୍ଲବକୁ ୪ଟି ଫିଲ୍ମ ଦେଇଛନ୍ତି। ଖାସ୍ କଥା ହେଉଛି ଏହି ଅଭିନେତା କେବଳ ବଲିଉଡ୍ ନୁହେଁ ବରଂ ସାଉଥର ବଡ଼ ବଡ଼ ଫିଲ୍ମରେ ଭିଲେନ୍ ଚରିତ୍ରରେ ମଧ୍ୟ ପ୍ରାଣ ଭରିଦେଇଛନ୍ତି। ବକ୍ସ ଅଫିସର ଏହି ବେତାଜ୍ ବାଦଶାହ ପ୍ରଭାସ ଏବଂ ଶାହରୁଖ ଖାନ୍‌ଙ୍କ ଭଳି ଦିଗ୍ଗଜଙ୍କୁ ମଧ୍ୟ ଏହି ମାମଲାରେ ପଛରେ ପକାଇ ଦେଇଛନ୍ତି।

ବକ୍ସ ଅଫିସରେ ଏବେ ରଣବୀର ସିଂହଙ୍କ ଫିଲ୍ମ 'ଧୁରନ୍ଧର ୨' ର କବ୍‌ଜା ରହିଛି, ଯାହା ୨୦୨୬ ବର୍ଷର ସବୁଠାରୁ ଅଧିକ ରୋଜଗାର କରିଥିବା ଫିଲ୍ମର ରେକର୍ଡ୍ କରିସାରିଛି। ସାଧାରଣତଃ ଏବେ ବକ୍ସ ଅଫିସରେ କୌଣସି ବି ମୁଭି ୧୦୦୦ କୋଟି ରୋଜଗାର କରିବା ଏକ ସାଧାରଣ କଥା ହୋଇଗଲାଣି, କିନ୍ତୁ ଆପଣ ଜାଣନ୍ତି କି ସବୁଠାରୁ ଅଧିକ ୧୦୦୦ କୋଟିଆ ଫିଲ୍ମ ଦେଇଥିବା ଷ୍ଟାର କିଏ?

ଏହି ତାଲିକାରେ ଶାହରୁଖ ଖାନ୍ ଏବଂ ପ୍ରଭାସଙ୍କ ନାମ ମଧ୍ୟ ସାମିଲ ଅଛି। ଆମୀର ଖାନ୍ ମଧ୍ୟ ଏହି ରେକର୍ଡରେ ନିଜ ନାମ ସାମିଲ କରିସାରିଛନ୍ତି। କିନ୍ତୁ ଆଜି ଆମେ ଯେଉଁ ଷ୍ଟାରଙ୍କ ବିଷୟରେ କଥା ହେଉଛୁ, ତାଙ୍କ ନାମ ହେଉଛି ସଞ୍ଜୟ ଦତ୍ତ। ନାମ ଶୁଣି ଝଟ୍‌କା ଲାଗିଲା କି? କିନ୍ତୁ ଏହା ସତ। ୯୦ ଦଶକର ସବୁଠାରୁ ମହଙ୍ଗା ଷ୍ଟାରଙ୍କ ମଧ୍ୟରେ ଗଣା ହେଉଥିବା 'ସଞ୍ଜୁ ବାବା' ଏହି ଲିଷ୍ଟରେ ସବୁଠାରୁ ଉପରେ ଅଛନ୍ତି।

୧୦୦୦ କୋଟି କ୍ଲବର ୪୦ ପ୍ରତିଶତ ଫିଲ୍ମରେ ସଞ୍ଜୟ ଦତ୍ତଙ୍କ ନାମ ରହିଛି। ତାଙ୍କର ଚାରୋଟି ଏଭଳି ଫିଲ୍ମ ଅଛି, ଯାହା ୱାର୍ଲ୍ଡୱାଇଡ୍ କଲେକ୍ସନ ମାମଲାରେ ୧୦୦୦ କୋଟିର ଆଙ୍କଡ଼ା ଅତିକ୍ରମ କରିସାରିଛି।

୧. କେଜିଏଫ୍ ଚାପ୍ଟର ୨ (୨୦୨୨): କୋଭିଡ୍ ମହାମାରୀ ସମୟରେ ସେ ସାଉଥ୍ ଇଣ୍ଡଷ୍ଟ୍ରିର ପ୍ରିୟ ଭିଲେନ୍ ପାଲଟିଗଲେ ଏବଂ ଏହି ଫିଲ୍ମ ଜରିଆରେ ସେ ପ୍ରଥମ ଥର ୧୦୦୦ କୋଟି କ୍ଲବରେ ଏଣ୍ଟ୍ରି ମାରିଥିଲେ। ୨. ଜୱାନ୍ (୨୦୨୩): ଏହି ଫିଲ୍ମ ୱାର୍ଲ୍ଡୱାଇଡ୍ ୧୧୦୦ କୋଟିରୁ ଅଧିକ ରୋଜଗାର କରି ଇତିହାସ ରଚିଥିଲା। ଏଥିରେ ସଞ୍ଜୟ ଦତ୍ତ ଏକ କ୍ୟାମିଓ (Camio) ରୋଲ୍ କରିଥିଲେ। ୩. ଧୁରନ୍ଧର (୨୦୨୫): ଗତବର୍ଷ ରିଲିଜ୍ ହୋଇଥିବା ଏହି ଫିଲ୍ମରେ ସେ ନିଜ ଅଭିନୟରେ ସମସ୍ତଙ୍କ ମନ ଜିଣିଥିଲେ ଏବଂ ଏହାର ରୋଜଗାର ୧୩୦୦ କୋଟି ପାର୍ କରିଥିଲା। ୪. ଧୁରନ୍ଧର ୨ (୨୦୨୬): ରଣବୀର ସିଂହଙ୍କ ଏହି ସ୍ପାଏ-ଥ୍ରୀଲର ଫିଲ୍ମରେ ସଞ୍ଜୟ ଦତ୍ତ ପୁଣି ଥରେ ନିଜ ଜଲୱା ଦେଖାଇଛନ୍ତି। ମାତ୍ର ଏକ ସପ୍ତାହ ମଧ୍ୟରେ ଫିଲ୍ମଟି ୧୦୦୦ କୋଟି ସଂଗ୍ରହ କରିସାରିଛି।

ଏହା ସହିତ ସଞ୍ଜୟ ଦତ୍ତ ଏକମାତ୍ର ଭାରତୀୟ ଅଭିନେତା ପାଲଟିଛନ୍ତି, ଯାହାଙ୍କ ନାମରେ ୧୦୦୦ କୋଟି କ୍ଲବର ୪ଟି ଫିଲ୍ମ ରହିଛି। ସୂଚନାଯୋଗ୍ୟ ଯେ, ଶାହରୁଖ ଖାନ୍‌ଙ୍କର 'ଜୱାନ୍' ଓ 'ପଠାନ୍', ପ୍ରଭାସଙ୍କ 'ବାହୁବଳୀ' ଓ 'ବାହୁବଳୀ ୨' ଏବଂ ରଣବୀର ସିଂହଙ୍କ 'ଧୁରନ୍ଧର' ଓ 'ଧୁରନ୍ଧର ୨' ଏହି କ୍ଲବରେ ସାମିଲ ଅଛି।