ମୁୁମ୍ବାଇ: ରଣବୀର କପୁରଙ୍କ ବଡ଼ ବଜେଟ୍ ଫିଲ୍ମ 'ରାମାୟଣ'ର ପ୍ରଥମ ଝଲକର ଭିଡିଓ ରିଲିଜ୍ ହେବା ପରଠାରୁ ଏହାକୁ ନେଇ ପ୍ରଶଂସକଙ୍କ ଉତ୍ସାହ ବୃଦ୍ଧି ପାଇଛି। ଏହା ପୂର୍ବରୁ ଭାରତରେ ଅନେକ ବଡ଼ ବଜେଟ୍ ଫିଲ୍ମ ତିଆରି ହୋଇଛି, କିନ୍ତୁ ଏହି ଫିଲ୍ମଟି ଯେଉଁ ବଜେଟରେ ତିଆରି ହେଉଛି ତାହା ଆଜି ପର‌୍ୟ୍ୟନ୍ତ କୌଣସି ଭାରତୀୟ ଫିଲ୍ମ ଉପରେ ଖର୍ଚ୍ଚ ହୋଇନାହିଁ।

ଫିଲ୍ମର ପ୍ରଯୋଜକ ନମିତ ମାଲହୋତ୍ରାଙ୍କ ନିକଟତର ବିଶ୍ୱସ୍ତ ସୂତ୍ର ଅନୁଯାୟୀ ବଲିଉଡ ହଙ୍ଗାମା ଅନୁଯାୟୀ, ଏହି ଫିଲ୍ମ ଫ୍ରାଞ୍ଚାଇଜି ତିଆରି କରିବାରେ ମୋଟ ୧୬୦୦ କୋଟି ଟଙ୍କା ଖର୍ଚ୍ଚ ହେବାକୁ ଯାଉଛି। ଏହି ଫିଲ୍ମଟି ସବୁଠାରୁ ମହଙ୍ଗା ଫିଲ୍ମ ତାଲିକାରେ କଳକି ୨୮୯୮ ଏଡି (୬୦୦ କୋଟି), ଆରଆରଆର ଏବଂ ଆଦିପୁରୁଷ (ଉଭୟ ₹୫୫୦ କୋଟି)କୁ ପଛରେ ପକାଇବାକୁ ଯାଉଛି ।  

ବଲିଉଡ ହଙ୍ଗାମାର ରିପୋର୍ଟରେ କହିଛି ଯେ ଫିଲ୍ମର ପ୍ରଥମ ଭାଗ ୯୦୦ କୋଟି ଟଙ୍କାରେ ନିର୍ମିତ ହେବ ଏବଂ ଦ୍ୱିତୀୟ ଭାଗ ୭୦୦ କୋଟି ଟଙ୍କାରେ ନିର୍ମିତ ହେବ। ରିପୋର୍ଟରେ କୁହାଯାଇଛି ଯେ, ପ୍ରିଣ୍ଟ ଏବଂ ବିଜ୍ଞାପନର ଖର୍ଚ୍ଚ ଏଥିରେ ଅନ୍ତର୍ଭୁକ୍ତ ନୁହେଁ। ତେଣୁ ପ୍ରିଣ୍ଟ ଏବଂ ବିଜ୍ଞାପନର ଖର୍ଚ୍ଚ ଯୋଡ଼ିବା ପରେ ଏହି ବଜେଟ୍ ଆହୁରି ଅନେକ ଶହ କୋଟି ଟଙ୍କା ବୃଦ୍ଧି ପାଇପାରେ।

ଫିଲ୍ମରେ ଭଗବାନ ରାମ ଭୂମିକାରେ ଅଭିନୟ କରୁଥିବା ରଣବୀର କପୁର ଦୁଇଟି ପାର୍ଟକୁ ମିଶାଇ ୭୫ କୋଟି ହିସାବରେ ଅର୍ଥାତ୍ ୧୫୦ କୋଟି ଟଙ୍କା ନେଉଛନ୍ତି। ସୀତା ଭୂମିକାରେ ନଜର ଆସୁଥିବା ସାଇ ପଲ୍ଲବୀ ପ୍ରତ୍ୟେକ ଭୂମିକା ପାଇଁ ୬ କୋଟି ଟଙ୍କା ନେଇ ମୋଟ ୧୨ କୋଟି ଟଙ୍କା ନେଉଛନ୍ତି। ଫିଲ୍ମରେ ସନି ଦେଓଲ ହନୁମାନ ଭୂମିକାରେ ଏବଂ ୟଶ ରାବଣ ଭୂମିକାରେ ନଜର ଆସିବେ, ସେମାନେ କେତେ ଫିସ୍ ପାଇବେ ସେ ବିଷୟରେ ଏପର‌୍ୟ୍ୟନ୍ତ କୌଣସି ସୂଚନା ପ୍ରକାଶ କରାଯାଇ ନାହିଁ।