ମୁୁମ୍ବାଇ: ବଲିଉଡ ତୁଳନାରେ ସାଉଥ ଫିଲ୍ମ ସିନେମାଘରେ ଧମାଲ କରୁଛି । ବର୍ତ୍ତମାନ ସିଂଘମ ଏଗେନ ଓ ଭୁଲ ଭୁଲେୟା ୩ ବକ୍ସ ଅଫିସରେ ନିଜର ଜଲୱା ଦେଖାଉଛନ୍ତି । ଏହା ମଧ୍ୟରେ ଦୁଇ ଫିଲ୍ମକୁ ଟକ୍କର ଦେବା ପାଇଁ ସିନେମାଘରକୁ ଆସୁଛି କଙ୍ଗୁଭା । କଙ୍ଗୁଭାରେ ସୂର୍ଯ୍ୟା ଓ ବବି ଦେଓଲ ମୁଖ୍ୟ ଚରିତ୍ରରେ ଅଛନ୍ତି । ଏହି ଫିଲ୍ମ ନଭେମ୍ବର ୧୪ ତାରିଖରେ ସିନେମାଘରେ ରିଲିଜ୍ ହେବ । ଫିଲ୍ମର ଆଡଭାନ୍ସ ବୁକିଂ ମଧ୍ୟ ଆରମ୍ଭ ହୋଇ ଯାଇଛି । ପ୍ରଥମ ଦିନର ଟିକେଟ୍ ବୁକିଂରୁ ଫିଲ୍ମ ଲକ୍ଷାଧିକ ଆୟ କରି ସାରିଛି । 

ଫିଲ୍ମର ପୋଷ୍ଟର ଓ ଟ୍ରେଲର ସିନେ ପ୍ରେମୀଙ୍କ ମଧ୍ୟରେ ବେଶ ଲୋକପ୍ରିୟତା ହାସଲ କରିଛି । ଏହି ଫିଲ୍ମର ଖାସ୍ କଥା ଏଥିରେ ବବି ଦେଓଲ ଭିଲେନ ଭୁମିକାରେ ଅଭିନୟ କରୁଛନ୍ତି । ଏହି କାରଣରୁ ଲୋକେ ଏହି ଚଳଚ୍ଚିତ୍ରକୁ ଦୀର୍ଘ ଦିନରୁ ଅପେକ୍ଷା କରି ରହିଛନ୍ତି । ବାସ୍ ଆଉ ଦୁଇ ଦିନ ପରେ ଫିଲ୍ମ ରିଲିଜ୍ ହେବ ।

କଙ୍ଗୁଭାର ଆଡଭାନ୍ସ ବୁକିଂ ମଧ୍ୟ ଆରମ୍ଭ ହୋଇ ଯାଇଛି । ସାକନିଲକର ରିପୋର୍ଟ ଅନୁଯାୟୀ, ଫିଲ୍ମର ଇଣ୍ଡିଆର ପ୍ରଥମ ଦିନରେ ୧୮ ହଜାର ୩୭ ଟିକେଟ୍ ବୁକ୍ ହୋଇ ସାରିଛି । ଏଥିରୁ କଙ୍ଗୁଭା ୩୦.୭ ଲକ୍ଷ ଟଙ୍କାର କଲେକ୍ସନ କରି ସାରିଛି । ବ୍ଲକ ସିଟକୁ ମିଶାଇ ଫିଲ୍ମ ୮୩.୭୩ ଲକ୍ଷ ଟଙ୍କାର କଲେକ୍ସନ କରି ସାରିଛି । 

ନିକଟରେ କଙ୍ଗୁଭାର ଦ୍ୱିତୀୟ ଟ୍ରେଲର  ରିଲିଜ୍ ହୋଇଛି । ଯାହା ପରଠୁ ସିନେ ପ୍ରେମୀଙ୍କ ମଧ୍ୟରେ ଉତ୍ସାହ ଦୁଇ ଗୁଣା ବଢି ଯାଇଛି । ସୂର୍ଯ୍ୟା ଫିଲ୍ମରେ ଦୁଇଟି ଅବତାରରେ ନଜର ଆସିବେ । ଗୋଟିଏ ମୋଡେର୍ଣ୍ଣ ଯୁଗର ଷ୍ଟାଇଲରେ ଏବଂ ଅନ୍ୟଟି ଅତୀତରେ ଶତ୍ରୁଙ୍କ ସହ ଲଢୁଥିବା ଏକ କ୍ରୁର ଯୋଦ୍ଧା ଭାବେ ଦେଖିବାକୁ ମିଳିବ ।