ଦେବଗଡ଼ରେ ଚାଞ୍ଚଲ୍ୟ। ପାରିବାରିକ କଳହରୁ ଗୋଟିଏ ପରିବାରର ୩ ଜଣଙ୍କୁ ନିର୍ମମ ଭାବେ ହତ୍ୟା କରାଯାଇଛି। ଦେବଗଡ ଜିଲ୍ଲା ରିଆମାଳ ବ୍ଲକ କୁଣ୍ଢେଇଗୋଳା ଥାନା ଅନ୍ତର୍ଗତ ଗରିଆପାଲି ଗାଁରେ ଘଟିଛି ଏଭଳି ଅଭାବନୀୟ ଘଟଣା। ଗତକାଲି ବିଳମ୍ୱିତ ରାତିରେ ଜଣେ ବ୍ୟକ୍ତି ପାରିବାରିକ କଳହକୁ କେନ୍ଦ୍ର କରି ନିଜ ସ୍ତ୍ରୀ, ବୋହୂ ଏବଂ ନାତୁଣୀଙ୍କୁ ହାତୁଡ଼ିରେ ପିଟି ପିଟି ହତ୍ୟା କରିଛନ୍ତି। ଅଭିଯୁକ୍ତ ଜଣକ ହେଉଛନ୍ତି ୫୨ ବର୍ଷୀୟ ରମେଶ ଗରିଆ। ଏନେଇ ରମେଶଙ୍କ ପୁଅ କୁଣ୍ଢେଇଗୋଳା ଥାନାରେ ଅଭିଯୋଗ କରିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।   

ଘଟଣା ମୁତାବିକ, ଗତକାଲି ରାତିରେ ରମେଶ ତାଙ୍କ ପତ୍ନୀ ଗୁଲ୍ ଗାରିଆଙ୍କ ସହ କୌଣସି କାରଣକୁ ନେଇ ଝଗଡ଼ା କରିଥିଲେ। କ୍ରୋଧରେ ସେ ତାଙ୍କୁ ଏକ ହାତୁଡ଼ିରେ ଆକ୍ରମଣ କରିଥିଲେ। ଏହା ଦେଖି ତାଙ୍କ ବୋହୂ ଲିପି ଏବଂ ୪ ବର୍ଷୀୟ ନାତୁଣୀ ଇଶାନି ମଧ୍ୟ ଅଟକାଇବାକୁ ଚେଷ୍ଟା କରିବାରୁ ଅଭିଯୁକ୍ତ ସେମାନଙ୍କୁ ମଧ୍ୟ ହାତୁଡ଼ିରେ ଅତି ନିର୍ମମ ଭାବରେ ଆକ୍ରମଣ କରିଥିଲା। ଫଳରେ ଘଟଣାସ୍ଥଳରେ ହିଁ ତିନି ଜଣଙ୍କର ମୃତ୍ୟୁ ହୋଇଛି।

ଅପରାଧ କରିବା ପରେ ଅଭିଯୁକ୍ତ ସେଠାରୁ ଖସି ପଳାଇଛି। ହେଲେ ତାଙ୍କ ପୁଅ ଏନେଇ କୁଣ୍ଢେଇଗୋଲା ପୋଲିସ ଷ୍ଟେସନରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।   

ଅଧିକ ପଢନ୍ତୁ: କନ୍ଧମାଳରେ ଚାଞ୍ଚଲ୍ୟ; ସ୍ତ୍ରୀକୁ ଗୁଳି କରି ହତ୍ୟା କଲା ସ୍ୱାମୀ, ଗୁଳିମାଡ଼ରେ ଜଣେ ଗ୍ରାମବାସୀ ଗୁରୁତର