ଡିଲ୍ ବେଳେ ମାଡିବସିଲା ଏସଟିଏଫ୍‌, ରାଜଧାନୀରୁ କୋଟିଏ ଟଙ୍କାର ବ୍ରାଉନସୁଗାର ଜବତ
Khabar Odisha:seized-Rs-1-crore-worth-of-brown-sugar-from-the-capital
ଭୁବନେଶ୍ୱର, ସେପ୍ଟେମ୍ବର ୧୪(ଖବର ଓଡିଶା):

ରାଜଧାନୀ ଭୁବନେଶ୍ୱରରୁ ପୁଣି ଜବତ ହେଲା ବ୍ରାଉନସୁଗାର । ଡିଲ୍ ହେଉଥିବା ବେଳେ ମାଡିବସିଲା ଏସଟିଏଫ୍ । କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ ହୋଇଛି । ଏହାସହିତ ୨ ଜଣଙ୍କୁ ଗିରଫ ମଧ୍ୟ କରାଯାଇଛି । 

ଭୁବନେଶ୍ୱର ରସୁଲଗଡ ନିଟକରେ ବ୍ରାଇମବ୍ରାଞ୍ଚ ଏସଟିଏଫ୍ ଚଢାଉ କରିଥିଲା । ତେବେ ଘଟଣାରେ ପଶ୍ଚିମବଙ୍ଗ ଅଞ୍ଚଳର ୨ ଜଣ ବେପାରୀ ଗିରଫ ହୋଇଛନ୍ତି । ସେମାନେ ହେଲେ ରାକିବୁଲ ଲସ୍କର ଓ ସୁଧନ୍ୟ ଗାୟନ । ସେମାନଙ୍କ ପାଖରୁ ୧ କିଲୋ ୨୫ ଗ୍ରାମ ବ୍ରାଉନସୁଗାର ଜବତ ହୋଇଛି । ଯାହାର ଆନୁମାନିକ ମୂଲ୍ୟ ଏକ କୋଟିରୁ ଅଧିକ ଟଙ୍କା ହେବ ବୋଲି ଅନୁମାନ କରାଯାଉଛି । 

ଏମାନେ ପଶ୍ଚିମବଙ୍ଗରୁ ବ୍ରାଉନସୁଗାର ଆଣି ଓଡିଶାରେ ବକ୍ରି କରୁଥିଲେ । ତେବେ କାହାକୁ ବ୍ରାଉନସୁଗାର ଦେବାକୁ ସେମାନେ ଆସିଥିଲେ ଏବଂ କେଉଁଠିକୁ ଯୋଗାଣ କରୁଥିଲେ । ସେନେଇ ଏସଟିଏଫ ଅଧିକ ଛାନଭିନ ଜାରି ରଖିଛି । ଅନ୍ୟପଟେ ରାଜ୍ୟର ବିଭିନ୍ନ ସ୍ଥାନରୁ ପ୍ରତିଦିନ ପୁଳା ପୁଳା ବ୍ରାଉନସୁଗାର ଜବତ ହେଉଥିବା ଘଟଣା ସାମ୍ନାକୁ ଆସୁଛି । ଯାହା ପୋଲିସ ପାଇଁ ଚିନ୍ତାର କାରଣ ପାଲଟିଛି ।

  • Tags:

Subscribe

National International State Sports Entertainment