ଉନ୍ନାଓ ଗଣଦୁଷ୍କର୍ମ: ସେଙ୍ଗର ଏବେ ତିହାଡ ଜେଲରେ, ପୀଡିତାଙ୍କୁ ଦିଲ୍ଲୀ ସ୍ଥାନାନ୍ତରିତ କରିବାକୁ ଅଦାଲତଙ୍କ ନିର୍ଦ୍ଦେଶ
Khabar Odisha:national-odisha-unnao-rape-accused-kuldeep-sengar-produce-in-tis-hazari-court-all-update-development
ନୂଆଦିଲ୍ଲୀ, ଅଗଷ୍ଟ ୦୫ (ଖବର ଓଡିଶା) :

 ଉନ୍ନାଓ ଦୁଷ୍କର୍ମ ମାମଲର ମୁଖ୍ୟ ଅଭିଯୁକ୍ତ ବିଧାୟକ କୁଳଦୀପ ସେଙ୍ଗରକୁ ଆଜି ଦିଲ୍ଲୀର ତୀସ ହଜାରୀ କୋର୍ଟରେ ଦ୍ୱିପ୍ରହର ୨ଟାରେ ହାଜର କରାଯାଇଥିଲା । ତେବେ ସେଙ୍ଗରକୁ ସାଥୀ ଅଭିଯୁକ୍ତ ଶଶି ସିଂହଙ୍କ ସହ ତିହାଡ ଜେଲରେ ସ୍ଥାନାନ୍ତରିତ କରିବାକୁ ଅଦାଲତ ନିର୍ଦ୍ଦେଶ ଦେଇଛନ୍ତି । ଏହି ମାମଲାର ପରବର୍ତ୍ତୀ ଶୁଣାଣୀ ଅଗଷ୍ଟ ୭ରେ ହେବାକୁ ଯାଉଛି । ଏହି ଦିନ ସେଙ୍ଗରକୁ ମଧ୍ୟ ଅଦାଲତରେ ହାଜର କରାଯିବ । 

ସୂଚନାନୁଯାୟୀ, ଆଜି ସକାଳେ ସେଙ୍ଗରକୁ ଦିଲ୍ଲୀ ଅଣାଯାଇଛି । ତାଙ୍କୁ ଦ୍ୱିପ୍ରହର ୧୨ଟା ୩୦ ପରିବର୍ତ୍ତେ ୨ଟାରେ କୋର୍ଟରେ ହାଜର କରାଯାଇଥିଲା । ତେବେ ସୁପ୍ରିମକୋର୍ଟ ଉନ୍ନାଓ ଦୁଷ୍କର୍ମ ପୀଡିତାଙ୍କୁ ଚିକିତ୍ସା ପାଇଁ ଦିଲ୍ଲୀ ସ୍ଥାନାନ୍ତରିତ କରିବାକୁ ନିର୍ଦ୍ଦେଶ ଦେଇଛନ୍ତି । ବର୍ତ୍ତମାନ ଲକ୍ଷନୌର କିଙ୍ଗ ଜର୍ଜ ୟୁନିଭରସିଟି ହସ୍ପିଟାଲରେ ଭର୍ତ୍ତି ହୋଇଛନ୍ତି । 

ଏହି ସମୟରେ ପୀଡିତା ଓ ଓକିଲଙ୍କ ମେଡିକାଲ ବୁଲେଟିନ ଜାରୀ କରାଯାଇଛି । ଏଥିରେ କୁହାଯାଇଛି କି, ଦୁହିଁଙ୍କ ସ୍ଥିତି ଗମ୍ଭୀର ରହିଛି କିନ୍ତୁ ସ୍ଥିର ଅଛି । ପୀଡିତାଙ୍କ ସ୍ୱାସ୍ଥ୍ୟବସ୍ଥାରେ ଏବେ ସୁଧାର ଆସିଛି । ଓକିଲ ବିନା ଭେଣ୍ଟିଲେଟରରେ ନିଃଶ୍ୱାସ ନେଉଛନ୍ତି କିନ୍ତୁ ଏବେବି କୋମାରେ ଅଛନ୍ତି । 

Subscribe

National International State Sports Entertainment