ଲୁଟ ଉଦ୍ୟମ ପଣ୍ଡ, ପୋଲିସ- ଡକାୟତ ଗୁଳି ବିନିମୟରେ ୭ ଗିରଫ
Khabar Odisha:crime-State-Odisha-Exchange-of-fire-reported-between-police-and-criminals-near-Mundasahi-in-Choudwar-7-dacoits-arrested
କଟକ, ଡିସେମ୍ବର ୧୦ (ଖବର ଓଡ଼ିଶା):

କଟକ ଚୈାଦ୍ୱାର ମୁଣ୍ଡା ସାହିରେ ଏକ ସୁନା ଦୋକାନରୁ ଡକାୟତଙ୍କ ଲୁଟ ଉଦ୍ୟମ ପଣ୍ଡ କରିଛି ପୋଲିସ । ଫଳରେ ସେଠାରେ ପୋଲିସ ଓ ଡକାୟତଙ୍କ ଗୁଳିବିନିମୟ ହୋଇଛି । ସେଠାରୁ ୭ଜଣ ଡକାୟତ ଧରାପଡ଼ିଛନ୍ତି । 

ମିଳିଥିବା ସୂଚନା ଅନୁସାରେ, କଟକ ଚୈାଦ୍ୱାର ମୁଣ୍ଡାସାହିରେ ଥିବା ଏକ ସୁନା ଦୋକାନରୁ ଲୁଟ କରିବାକୁ ଏକ ଡକାୟତି ଗ୍ୟାଙ୍ଗ ଯୋଜନା କରିଥିଲେ । କୈାଣସି ସୂତ୍ରରୁ ପୋଲିସ ଏ ସମ୍ପର୍କରେ ଖବର ପାଇଥିଲା । ଫଳରେ ଡକାୟତମାନେ ଆଜି ସୁନା ଦୋକାନରୁ ଲୁଟ ଉଦ୍ୟମ କରୁଥିବା ବେଳେ ଘଟଣାସ୍ଥଳରେ ପୋଲିସ ପହଂଚି ସେମାନଙ୍କ ଯୋଜନାକୁ ପଣ୍ଡ କରିଛି । ଫଳରେ ସେଠାରେ ଡକାୟତମାନେ ଫାୟାରିଂ ଆରମ୍ଭ କରିଥିଲେ । ପୋଲିସ ମଧ୍ୟ ଏହାର ଜବାବ ଦେବାକୁ ଯାଇ ପାଲଟା ଗୁଳି ଚଳାଇଥିଲା । ଫଳରେ ପୋଲିସ ଓ ଡକାୟତଙ୍କ ଗୁଳି ବିନିମୟ ହେବାରୁ ୩ଜଣ ଡକାୟତ ସେଠାରୁ ଚମ୍ପଟ ମାରିଥିବା ବେଳେ ଅନ୍ୟ ୭ଜଣ ପୋଲିସ ହାତରେ ଧରାପଡ଼ିଛନ୍ତି । 

କିଛି ଡକାୟତ ବାହାର ରାଜ୍ୟର ଥିବା ପୋଲିସ ପକ୍ଷରୁ ସୁଚନା ମିଳିଛି । ପୋଲିସ ଓ ଡକାୟତଙ୍କ ଗୁଳି ବିନିମୟରେ କେହି ଆହତ ହୋଇ ନଥିବା ଜଣାପଡ଼ିଛି । ଡକାୟତଙ୍କ ନିକଟରୁ ମାରଣାସ୍ତ୍ର ଜବତ ହୋଇଛି ।

  • Tags:

Subscribe

National International State Sports Entertainment