ତେଲକୋଇ: ଅଧିକ ଲାଭ ଦେଖାଇ ପ୍ରଲୋଭିତ କରି ଜମା ଟଙ୍କା ଖାଇଗଲେ ଡାକ ବାବୁ l ଲୋକେ ବ୍ୟାଙ୍କରୁ ଟଙ୍କା ଉଠାଇ ଗ୍ରାମୀଣ ଡାକ ଜୀବନ ବୀମାରେ ପଲିସୀ ଓ ଫିକ୍ସ ଜମା ଯୋଜନାରେ ରେ ଅର୍ଥ ମାସକୁ ମାସ ଜମାକଲେ,କିନ୍ତୁ ଜମା ଅବଧି ସରିଲା ପରେ ଲୋକେ ଟଙ୍କା ଉଠାଇବାକୁ ଚାହିଁଲା ବେଳକୁ ଆଉ ଧରା ଛୁଆଁ ଦେଲେ ନାହିଁ ଡାକ ବାବୁ ବାବୁଲାଲ ପାତ୍ର l ଯେତେବେଳେ ଜିଲ୍ଲା ମୁଖ୍ୟ ଡାକ ଘରେ ଖାନ ତାଲାସ କଲେ ଲୋକଙ୍କୁ ପଲିସୀର ନକଲି ବଣ୍ଡ ଦେଇ ଅସଲି ବଣ୍ଡ ଜରିଆରେ ଲୋକଙ୍କ ଅଜାଣତରେ ଋଣ କରି ଓ ଫିକ୍ସ ଜମାକୁ ଡାକ ବାବୁ ହଡପ କରିଥିବା ଜାଣିବାକୁ ପାଇଲେ l ଏଭଳି ଜଣେ କି ଦୁଇଜଣ ନୁହେଁ ଏପରି ୨୮ ଜଣଙ୍କ ଜମା ଅର୍ଥକୁ ହଡପ କରିଛନ୍ତି ଡାକ ବାବୁ l ଆଉ ନ୍ୟାୟ ପାଇଁ ଏବେ ଥାନାର ଦ୍ୱାରସ୍ଥ ହୋଇଛନ୍ତି କେନ୍ଦୁଝର ଜିଲ୍ଲା ତେଲକୋଇ ଥାନା ପୁରୁଯୋଡ଼ା ପୋଷ୍ଟ ଅଫିସ ଅଧୀନ ଗୁଡିକଂଶ ଗ୍ରାମବାସୀ l
ପୁରୁଯୋଡ଼ା ଡାକ ଘରେ କାର୍ଯ୍ୟରତ ପୋଷ୍ଟ ମାଷ୍ଟର ବାବୁଲାଲ ପାତ୍ର ଗୁଡିକଂଶ ଗ୍ରାମରେ ଘରେ ଘରେ ଯାଇ ଡାକ ଘରେ ଥିବା ବିଭିନ୍ନ ଲୋଭନୀୟ ପଲିସୀରେ ଅର୍ଥ ଜମା କରି ଲାଭ ନେବାପାଇଁ ପ୍ରବାର୍ତ୍ତାଇଲେ l ଅଧିକ ଲାଭ ପାଇବା ପାଇଁ ଗୁଡିକଂଶ ଗ୍ରାମର ବହୁ ଲୋକ ଗ୍ରାମୀଣ ଡାକ ଜୀବନ ବୀମା (RPLI)ସ୍କିମରେ, ଓ ଅନ୍ୟ ଏକ ଯୋଜନାରେ ଅର୍ଥ ମାସକୁ ମାସ ଜମା କରୁଥିଲେ l ମାସକୁ ମାସ ପୋଷ୍ଟ ମାଷ୍ଟର ବାବୁଲାଲ ପାତ୍ର ଗାଁକୁ ଯାଇ ଟଙ୍କା ଲୋକଙ୍କ ଠାରୁ ଆଣି ଜମାକାରୀଙ୍କୁ ରସିଦ ଦେଉଥିଲେ l ବର୍ଷ ବର୍ଷ ଧରି ଏପରି ଚାଲୁଥିଲା l
ତେବେ କିଛି ମାସ ପୂର୍ବେ ଗୁଡିକଂଶ ଗ୍ରାମର ସହଦେଵ ପାତ୍ର ନାମକ ଜଣେ ବ୍ୟକ୍ତିଙ୍କ ପଲିସୀର ମ୍ୟାଚୁରିଟି ହୋଇଯିବାରୁ ସେ ଟଙ୍କା ଉଠାଇବା ପାଇଁ ପୁରୁଯୋଡ଼ା ପୋଷ୍ଟ ଅଫିସ ଯିବାରୁ ପୋଷ୍ଟ ମାଷ୍ଟର ବାବୁଲାଲ ପାତ୍ର ତାଙ୍କୁ ନାନା ବାହାନା ଦେଖାଇଥିଲେ l ପରେ ସହଦେଵ କେନ୍ଦୁଝର ଠାରେ ଥିବା ମୁଖ୍ୟ ଡାକ ଘରକୁ ଯାଇ ବୁଝିଲା ବେଳକୁ ତାଙ୍କ ପଲିସୀ ବଣ୍ଡର ନକଲ କପି ତାଙ୍କୁ ପୋଷ୍ଟ ମାଷ୍ଟର ବାବୁଲାଲ ଦେଇ ପ୍ରକୃତ ବଣ୍ଡ ଜରିଆରେ ଏକ ଲକ୍ଷ ଟଙ୍କା ଋଣ ଉଠାଇ ଅର୍ଥ କୁ ହଡପ କରିଛନ୍ତି l ଏଘାଟଣା ଜାଣିବା ପରେ ଗାଁର ଅନ୍ୟ ଜମାକାରୀ ସେମାନଙ୍କ ସମ୍ପର୍କରେ ବୁଝିଲା ବେଳକୁ ଗାଁର ସଞ୍ଜୁ ଦରେଇ, ବିରବଲ ମୁଣ୍ଡା, ଲଷ୍ମୀ ମୁଣ୍ଡା, ଦୀନବନ୍ଧୁ ମୁଣ୍ଡା, ହାଡିବନ୍ଧୁ ମୁଣ୍ଡା, ମୁରଲୀ ମୁଣ୍ଡା, ଦଶମା ମୁଣ୍ଡା, ସୁନିତା ମୁଣ୍ଡା, ମଧୁ ମୁଣ୍ଡାଙ୍କ ସହିତ ଗୁଡିକଂଶ ଗ୍ରାମର ୨୮ ଜଣ ଏପରି ଠକାମୀର ଶିକାର ହୋଇଛନ୍ତି l ଫିକ୍ସ ଜମା ଓ ପଲିସୀ ବଣ୍ଡ ଦେଇ ଋଣ ଅର୍ଥ ଉଠାଇ ୧୫ ଲକ୍ଷ ଟଙ୍କା ପୋଷ୍ଟ ମାଷ୍ଟର ବାବୁଲାଲ ପାତ୍ର ହଡପ କରିଥିବା ଜମାକାରୀ ଜିଲ୍ଲା ମୁଖ୍ୟ ଡାକ ଘରୁ ଜାଣିବାକୁ ପାଇଥିଲେ ଏବେ ଏସମ୍ପର୍କରେ ତେଲକୋଇ ଥାନାରେ ଅଭିଯୋଗ କରିଛନ୍ତି l