ପୁଣି ଖାକି ବର୍ଦ୍ଦିରେ ଲାଗିଲା କଳା ଦାଗ। ପୋଲିସକୁ ବାନ୍ଧିଲା ପୋଲିସ । ଗଞ୍ଜେଇ ଚାଲାଣ ଅଭିଯୋଗରେ ଗିରଫ ହେଲେ ପୋଲିସ କନେଷ୍ଟବଳ । ଗିରଫ ପୋଲିସ କନେଷ୍ଟବଳ ହେଉଛନ୍ତି ମନୋଜ କୁମାର ମୁଦୁଲି । ଏପରି ଘଟଣା ଘଟିଛି ମାଲକାନଗିରି ଥାନା ମାର୍କାପାଲ୍ଲୀରେ। ସୂଚନା ଅନୁସାରେ, ମାଲକାନଗିରି ଥାନା ମାର୍କାପାଲ୍ଲୀ ଠାରେ ଗଂଜେଇ ବେପାରୀ ଶରତ ଚନ୍ଦ୍ର ହନ୍ତାଳ ଗଂଜେଇ ଚାଲାଣ କରୁଥିବା ଖବର ପାଇଁ ମାଲକାନଗିରି ଏସ୍ .ଡି.ପି.ଓ ଚଢାଉ କରିଥିଲେ । ଗଂଜେଇ ଜବତ କରି ଶରତକୁ ଗିରଫ କରିବା ପରେ ବୟାନ ରେକର୍ଡ କରିଥିଲେ । ତେବେ ପଚରାଉଚରା ପରେ ମାଲକାନଗିରି ପୁଲିସ କନେଷ୍ଟବଳ ମନୋଜ କୁମାର ମୁଦୁଲିଙ୍କ ସହାୟତାରେ ଗଞ୍ଜେଇ ଚାଲାଣ କରୁଥିବା ଶରତ ଚନ୍ଦ୍ର ବୟାନ ପ୍ରକାଶ କରିଥିଲେ । ଏହାପରେ ଏସ୍‌ଡିପିଓ ଘଟଣାର ତଦନ୍ତ କରି ଉଭୟଙ୍କୁ ଗିରଫ କରି ପୋଲିସ କୋର୍ଟ ଚାଲାଣ କରିଥିବା ବେଳେ ୨୧ କିଲୋ ଗଞ୍ଜେଇ ମଧ୍ୟ ଜବତ ହୋଇଛି । ତେବେ ଏହି ଘଟଣାରେ ଅନ୍ୟ ୩ ଅଭିଯୁକ୍ତ ଫେରାର ଥିବା ସୂଚନା ମିଳିଛି ।