କଟକ ଚଣ୍ଡିମନ୍ଦିର ସାମ୍ନାରେ ଦୁଇ ଅଟୋ ଚାଳକଙ୍କ ମଧ୍ୟରେ ସାମାନ୍ୟ ବଚସାରୁ ହତ୍ୟାକାଣ୍ଡ ଘଟିଛି  । ହତ୍ୟାର ଶିକାର ହୋଇଥିବା ବ୍ୟକ୍ତି ହେଉଛନ୍ତି ସତୀଚଉରାର ଇଦଘା କଲୋନିର ମହମ୍ମଦ ରୋସନ । ତାଙ୍କୁ ହତ୍ୟା କରିଥିବା ଅଟୋ ଚାଳକ ହେଉଛନ୍ତି ଖଟବିନ୍ ସାହିର ସରିଫ ଖାଁ । 

ସୂଚନା ମୁତାବକ ଚଣ୍ଡୀ ଛକରେ ମହମ୍ମଦ ରୋସନ ତାଙ୍କ ଅଟୋରେ ବସିଥିଲେ। ସେହି ସମୟରେ ସରିଫ ଅଟୋରେ ସେଠାରେ ପହଞ୍ଚିଥିଲେ। ମହମ୍ମଦଙ୍କୁ ସରିଫ୍ ଅଟୋରୁ ଟାଣି ନେଇଥିଲେ । ଏହାପରେ ଉଭୟଙ୍କ ମଧ୍ୟରେ ସଂଘର୍ଷ ହୋଇଥିଲା । ସେହି ସମୟରେ ସରିଫ ଜୋରରେ ଧକ୍କା ମାରି ମହମ୍ମଦଙ୍କୁ ଠେଲି ଦେଇଥିଲେ। ମହମ୍ମଦ ରୋସନ ତଳେ ପଡ଼ି ଯାଇଥିଲେ। ଏହାପରେ ସରିଫ ପୋଲିସର ଲୁହା ବାରିକେଡର ରୋସନଙ୍କ ମୁଣ୍ଡକୁ ଛେଚି ଦେଇଥିଲେ । ପରେ ଉପସ୍ଥିତ ଅନ୍ୟ ଅଟୋ ଚାଳକ ଗୁରୁତର ଅବସ୍ଥାରେ ରୋସନଙ୍କୁ ଡାକ୍ତରଖାନା ନେଇଯାଇଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ହତ୍ୟାକାଣ୍ଡ ନେଇ ମୃତକଙ୍କ ସାନ ଭାଇ ଲାଲବାଗ ଥାନାରେ ଏତଲା ଦେଇଥିଲେ । ଏହାପରେ ଅଭିଯୁକ୍ତ ସରିଫ ଅଟୋ ସହିତ ଫେରାର ହୋଇଯାଇଛି ବୋଲି ଜଣାପଡିଛି । ପୋଲିସ ଆଖପାଖରେ ଥିବା ସମସ୍ତ ସିସିଟିଭି ଫୁଟେଜ ଯାଞ୍ଚ  କରି ତଦନ୍ତ ତଦନ୍ତ ଆରମ୍ଭ କରିଛି ।

ଅଧିକ ପଢନ୍ତୁ :- ଲାଞ୍ଚ ନେଇ ଗିରଫ ହେଲେ ଜେଇ