ଜମିିିବାଡି ବିବାଦକୁ ନେଇ ତୁମୁଳକାଣ୍ଡ । ଜମିବାଡି ବିବାଦକୁ ନେଇ ୨ ପରିବାର ମଧ୍ୟରେ ଗଣ୍ଡଗୋଳ ହୋଇଛି । ବଡ ଭାଇକୁ ଠେଙ୍ଗାରେ ମାରିବା ପରେ ମୁଣ୍ଡରେ ପଥରରେ  ଛେଚି ହେଲେ ସାନ ଭାଇର ପରିବାର । ଗୁରୁତର ଅବସ୍ଥାରେ ବଡ ଭାଇଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ମାନପୁର ଗାଁରେ । 

ସୂଚନା ଅନୁସାରେ, ମାନପୁର ଗାଁର ନାରାୟଣ ମହାନ୍ତ ଓ ତାଙ୍କ ସାନ ଭାଇ ନିରଞ୍ଜନ ମହାନ୍ତଙ୍କ ପରିବାର ମଧ୍ୟରେ ଜମିବାଡି ବିବାଦକୁ କେନ୍ଦ୍ର କରି ଗଣ୍ଡଗୋଳ ହୋଇଥିଲା । ଏହି ସମୟରେ ସାନ ଭାଇ ନିରଞ୍ଜନଙ୍କ ପରିବାର ନାରାୟଣଙ୍କ ଉପରକୁ ଆକ୍ରମଣ କରିଥିଲେ । 

ନାରାୟଣଙ୍କୁ ପ୍ରଥମେ ଠେଙ୍ଗାରେ ମାଡ ମାରିଥିଲେ । ପରେ ତାଙ୍କ ମୁଣ୍ଡରେ ପଥର ଛେଚି ଥିଲେ । ଏହି ସମୟରେ ନାରାୟଣଙ୍କ ସ୍ତ୍ରୀ ଏହାକୁ ବିରୋଧ କରିବାରୁ ତାଙ୍କ ଉପରକୁ ମଧ୍ୟ ଆକ୍ରମଣ କରିଥିଲେ । ଫଳରେ ନାରାୟଣ ଗୁରୁତର ଭାବେ ଆହତ ହୋଇଛି । ତାଙ୍କୁ ଆମ୍ବୁଲାନ୍ସ ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।