ସିଦ୍ଧୁ ମୁସେୱାଲା ହତ୍ୟା: ୭ ଦିନିଆ ରିମାଣ୍ଡରେ ଲରେନ୍ସ ବିଶ୍ନୋୟୀ, ଆଜି କୋର୍ଟରେ ହେବ ହାଜର
Khabar Odisha:Crime-Punjab-police-bring-gangster-Lawrence-Bishnoi-to-Mansa-district

ନୂଆଦିଲ୍ଲୀ, ଜୁନ୍ ୧୫ (ଖବର ଓଡ଼ିଶା): ପଂଜାବୀ କଣ୍ଡଶିଳ୍ପୀ ସିଦ୍ଧୁ ମୁସେୱାଲା ହତ୍ୟା ମାମଲାରେ କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଶ୍ନୋୟୀ ୭ ଦିନିଆ ରିମାଣ୍ଡରେ ଆସିଛି । ଲରେନ୍ସକୁ ଆଜି ମନସା କୋର୍ଟରେ ସିଜେଏମ୍‌ଙ୍କ ସାମ୍ନାରେ ହାଜର କରାଯିବ । ସେଥିପାଇଁ ଲରେନ୍ସକୁ ଦିଲ୍ଲୀ ତିହାର ଜେଲରୁ ପଂଜାବ ଅଣାଯାଇଛି । ଏଥି ସହିତ ଲରେନ୍ସକୁ ଆଣ୍ଟି ଗ୍ୟାଙ୍ଗଷ୍ଟର ଟାକ୍ସ ଫୋର୍ସ ମଧ୍ୟ ପଚରାଉଚରା କରିବ । 

ସୂଚନାଯୋଗ୍ୟ, ସିଦ୍ଧୁ ମୁସେୱାଲାଙ୍କୁ ଗତମାସ ୨୯ ତାରିଖରେ ହତ୍ୟା କରାଯାଇଥିଲା । ସେହିଦିନ ଠାରୁ ପୋଲିସ ହାତରେ ଗୋଟିଏ ପରେ ଗୋଟିଏ ସୁରାଗ ଲାଗୁଛି । ସିଦ୍ଧୁ ମୁସେୱାଲା ହତ୍ୟା ମାମଲାରେ ମହାରାଷ୍ଟ୍ରର ପୁଣେ ପୋଲିସ ବିଶ୍ନୋୟୀ ଗ୍ୟାଙ୍ଗର ସୁଟର ସନ୍ତୋଷ ଜାଧବକୁ ଗୁଜରାଟରୁ ଗିରଫ କରିଛି । ପୁଣେର ଗ୍ରାମାଞ୍ଚଳ ପୋଲିସର କ୍ରାଇମବ୍ରା ସନ୍ତୋଷ ଜାଧବଙ୍କୁ ଗିରଫ କରିଛି । ସନ୍ତୋଷ ନାଁରେ ଏତଲା ହୋଇଥିଲା । ଜଣେ ପୋଲିସ ଅଧିକାରୀ ଜାତୀୟ ଗଣମାଧ୍ୟମକୁ କହିଛନ୍ତି ଯେ, ଲରେନ୍ସ ବିଶ୍ନୋୟୀ ଗ୍ୟାଙ୍ଗର ସଦସ୍ୟ ସନ୍ତୋଷ ଜାଧବକୁ ୨୦୨୧ର ମଂଚର ପୋଲିସ ଷ୍ଟେସନରେ ରୁଜୁ ହତ୍ୟା ମାମଲାରେ ଗିରଫ କରାଯାଇଛି । ସେ ଏକ ବର୍ଷ ହେବ ଫେରାର ଥିଲା । ଜଣେ ଅଧିକାରୀ କହିଛନ୍ତି ଯେ, ତା ସହିତ ଅନ୍ୟ ଜଣେ ସହଯୋଗୀ ସୂର୍ଯ୍ୟବଂଶୀକୁ ମଧ୍ୟ ଗିରଫ କରାଯାଇଛି । 

 

  • Tags:

Subscribe

National International State Sports Entertainment