ରଥଖଳାରେ ଆଜି ଡେରା ହେଲା ସମସ୍ତ ଚକ ଅଖ । ଶୀତଳ ଷଷ୍ଠୀ ପୂର୍ବରୁ ଆଜି ତିନି ରଥର ବାକି ଥିବା ୪୨ଟି ଚକରେ ୨୧ଟି ଅଖ ସଂଯୋଗ ହୋଇଛି । ବିଧି ମୁତାବକ, ପ୍ରଥମେ ତାଳଧ୍ବଜ, ନନ୍ଦିଘୋଷ ଓ ଦର୍ପଦଳନ ରଥର ଚକ ଡେରା ହୋଇଛି । ଶ୍ରୀକ୍ଷେତ୍ର ଭଉଁରୀ ଅବସରରେ ତିନିରଥର ୬ ନାହାକା ଚକରେ ଅଖ ସଂଯୋଗ କରି ଡେରା ଯାଇଥିଲା । ଶନିବାର ତିନିରଥର ୧୮ ଅଖରେ ୩୬ ଚକ ସଂଯୋଗ କରି ଡେରାଯାଇଛି । ଅର୍ଥାତ୍ ତିନିରଥର ମୋଟ ୪୨ଟି ଚକରେ ୨୧ଟି ଅଖ ସଂଯୋଗ କରାଯାଇଛି । ତେବେ ଆଜି ତାଳଧ୍ଵଜ ରଥର ୧୪ ଚକ ୭ ଅଖ, ନନ୍ଦିଘୋଷର ୧୬ ଚକ ୮ ଅଖ ସଂଯୋଗ, ଦେବୀଦଳନ ରଥର ୨ ଚକ ୬ ଅଖ ସଂଯୋଗ ହୋଇଛି ।

ସେପଟେ ଶେଷ ହୋଇଛି ଶ୍ରୀମନ୍ଦିର ନୀତି ସବକମିଟି ବୈଠକ l ସ୍ନାନଯାତ୍ରା ଓ ଘୋଷଯାତ୍ରା ନେଇ ନୀତି ନିର୍ଘଣ୍ଟ ଓ ବ୍ୟବସ୍ଥାବଳୀ ପ୍ରସ୍ତୁତ କରାଯାଇଛି l ଏହାପରେ ସନ୍ଧ୍ୟା ୫ଟାରେ ଅନୁଷ୍ଠିତ ହେବାକୁ ଥିବା ଛତିଶା ନିଯୋଗ ବୈଠକରେ ଏହାକୁ ଅନୁମୋଦନ କରାଯିବ l ଏନେଇ ସୂଚନା ଦେଇଛନ୍ତି ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ l