ଆଜି ପୁରୀରେ ଛତିଶାନିଯୋଗ ବୈଠକ
Khabar Odisha:Ratha-Yatra-Preparation-Meeting
ପୁରୀ,ମେ ୧୫(ଖବର ଓଡିଶା): ଆସୁଛି ମହାପ୍ରଭୁଙ୍କର ସ୍ନାନଯାତ୍ରା ଓ ରଥଯାତ୍ରା । ଏହି ଉତ୍ସବ ସବୁ କିପରି ଶାନ୍ତିଶୃଂଖଳା ସହ ସମ୍ପାଦନ ହେବ ସେଥିପାଇଁ ଆଜି ବସିବ ଛତିଶାନିଯୋଗ ବୈଠକ । ଶ୍ରୀମନ୍ଦିର  କାର୍ୟ୍ୟାଳୟରେ  ଏହି ବୈଠକ ଅନୁଷ୍ଠିତ ହେବାର କାର୍ୟ୍ୟକ୍ରମ ରହିଛି । ଏହି ବୈଠକରେ ସ୍ନାନପୂର୍ଣ୍ଣିମା ନୀତି ନିର୍ଘଣ୍ଟ ଓ ଘୋଷଯାତ୍ରା ନେଇ ଆଲୋଚନାମାନ ହେବାର ସ୍ଥିର କରାଯାଇଛି । ବୈଠକରେ  ନିଯୋଗର କର୍ମକର୍ତ୍ତାମାନେ ଉପସ୍ଥିତ ରହିବେ । ଶ୍ରୀଜୀଉଙ୍କ ସ୍ପର୍ଶ ବିବାଦ ସଂପର୍କରେ ବୈଠକରେ ଆଲୋଚନା ହେବାର ମଧ୍ୟ ସୂଚନା ମିଳିଛି ।
 
ସୂଚନାନୁସାରେ ଗତ ୧୦ ତାରିଖରେ  ମୁଖ୍ୟମନ୍ତ୍ରୀଙ୍କ ସଚିବ ରାକେଶ କୁମାର ବର୍ମାଙ୍କ ପରିବାର ଜଗମୋହନ ମରାମତି  ସମୟରେ ବାରଣ ଥିବା ସତ୍ୱେ ଭିତରକାଠରୁ ମହାପ୍ରଭୁଙ୍କ ଦର୍ଶନ କରିଥିଲେ । ଯାହାକୁ ନେଇ ବିବାଦ ଦେଖାଦେଇଥିଲା । ସେମାନଙ୍କୁ ଭିତରକାଠ ନିକଟକୁ ନେଇଥିବା ସେବାୟତଙ୍କ ବିରୋଧରେ କାର୍ୟ୍ୟାନୁଷ୍ଠାନ ନନେଲେ ଆଜିର ବୈଠକ ବର୍ଜନ କରିବାକୁ ସେବାୟତମାନେ  ଚେତାବନୀ ଦେଇଛନ୍ତି। 
  • Tags:

Subscribe

National International State Sports Entertainment