ଲେଡି ସିଂଘମ ଆଇପିଏସ୍‌ ଜ୍ୟୋତିପ୍ରିୟା ସିଂହ
Khabar Odisha:lady-singham-ips-jyotipriya-singh
ଏହି ମହିଳା ଆଇପିଏସ୍‌ ଅଫିସରଙ୍କୁ ଲେଡି ସିଂଘମ କୁହାଯାଏ । ଲେଡି ସିଂଘମ ଜଣକ ହେଲେ ଜ୍ୟୋତିପ୍ରିୟା ସିଂହ । ଏହି ଦବଙ୍ଗ ମହିଳା ଅଫିସରଙ୍କ ଡରରେ ଲଫଙ୍ଗା, ବଦମାସ ଓ ଅସାମାଜିକ ଶ୍ରେଣୀର ଲୋକ ଶହର ଛାଡିବାକୁ ବାଧ୍ୟ ହୋଇଛନ୍ତି । ମହିଳା ଅଫିସର ଜଣକ ଗୋଟିଏ ଦିନରେ ୮୮ ଜଣ ଅସାମାଜିକ ଲୋକଙ୍କୁ ଧରି ଚର୍ଚ୍ଚାକୁ ଆସିଥିଲେ । 
 
ଜ୍ୟୋତିପ୍ରିୟା ୨୦୦୮ ବ୍ୟାଚ୍‌ର ଆଇପିଏସ୍‌ ଅଫିସର । ସେ ଏବେ ଜାଲନାରେ ଏସ୍‌ପି ଭାବରେ ନିଯୁକ୍ତି ପାଇଛନ୍ତି । ସେ ପିଲା ବେଳୁ ଜଣେ ଆଇଏସ୍‌ ଅଫିସର ହେବାକୁ ଚାହିଁଥିଲେ । କିନ୍ତୁ ୟୁପିଏସ୍‌ସି ପରୀକ୍ଷାରେ ତାଙ୍କୁ ୧୭୧ ରାଙ୍କ୍‌ ମିଳିଲା ଯାହା ଫଳରେ ତାଙ୍କୁ ଆଇପିଏସ୍‌ରେ ଭର୍ତ୍ତି ହେବାକୁ ପଡିଲା । ଜାଲ୍‌ନା ପୂର୍ବରୁ ସେ ମହାରାଷ୍ଟ୍ରର କୋଲ୍ହାପୁର ଶହରରେ ଆଡିସ୍‌ନାଲ୍‌ ଏସ୍‌ପି ଭାବରେ କାର୍ଯ୍ୟରତ ଥିଲେ ।
 
୧୯୭୮ ମସିହାରେ ଲକ୍ଷ୍ନୋଠାରେ ଜ୍ୟୋତି ଜନ୍ମଗ୍ରହଣ କରିଥିଲେ । ସେ ପିଲାବେଳୁ ଜଣେ ମେଧାବୀ ଛାତ୍ରୀ ଥିଲେ । ୨୦୦୨-୦୩ରେ ତାଙ୍କୁ ଚାନ୍ସଲର୍‌ ମେଡାଲ୍‌ରେ ମଧ୍ୟ ସମ୍ମାନିତ କରାଯାଇ ଥିଲା । ପାଠ ଛଡା ସେ ଖେଳରେ ମଧ୍ୟ ରୁଚି ରଖନ୍ତି । ସେ ବାସ୍କେଟ୍‌ବଲ୍‌ ଭଲ ଖେଳି ପାରନ୍ତି । ତାଙ୍କ ବାପା ପିଏସ୍‌ସିରେ ଆସିଷ୍ଟାଣ୍ଟ କମାଣ୍ଡର୍‌ ଥିଲେ ଓ ତାଙ୍କ ମା ଜଣେ ଅଧ୍ୟାପିକା । ଜ୍ୟୋତିଙ୍କ ସ୍ୱାମୀ ବମ୍ବେରେ ରୁହନ୍ତି ଓ ତାଙ୍କର ଗୋଟିଏ ପିଲା ମଧ୍ୟ ଅଛି ।
 
କୋଲ୍ହାପୁରରେ ନିଯୁକ୍ତି ପାଇଥିବା ବେଳେ ଜ୍ୟୋତି ଶିବସେନାର ସେତେବେଳର ଏମ୍‌ଏଲ୍‌ଏ ରାଜେଶ କ୍ଷୀରସାଗର ଓ ତାଙ୍କ ସମର୍ଥକମାନଙ୍କ ଉପରେ ର୍ଦୂବ୍ୟବହାର ପାଇଁ କେଶ୍‌ କରିଥିଲେ । ପ୍ରକାଶ ପାଏ କି ଗଣେଷ ବିସର୍ଜନ ସମୟରେ ଶିବସେନାର କିଛି କର୍ମୀମାନେ ପୋଲିସ୍‌ ଫୋର୍ସର କିଛି କର୍ମଚାରୀଙ୍କ ସହ ର୍ଦୂବ୍ୟବହାର କରିଥିଲେ । ରାଜନୈତିକ ଚାପ ଜ୍ୟୋତିଙ୍କ ଉପରେ ପଡିଥିଲେ ମଧ୍ୟ ସେ କେଶ୍‌ ଫେରାଇ ନଥିଲେ ।
 
ଜ୍ୟୋତିଙ୍କ ପାଖକୁ କିଛି ଝିଅ ଅଭିଯୋଗ ନେଇ ଆସିଥିଲେ କି ସେମାନଙ୍କୁ କିଛି ଅସାମାଜିକ ଯୁବକ ଅଶ୍ଲୀଳ ବ୍ୟବହାର କରୁଛନ୍ତି । ଲେଡି ସିଂଘମ ଜ୍ୟୋତି ଅସାମାଜିକ ଯୁବକମାନଙ୍କୁ ଶିକ୍ଷା ଦେବା ଉଦ୍ଦେଶ୍ୟରେ  ଆରମ୍ଭ କରିଥିଲେ ଏକ ଗୁପ୍ତ ଅଭିଯାନ । ଯେଉଁଥିରେ ସେ ନିଜ  ଟିମ୍‌ ସହ ସାଧା ପୋଷାକରେ ବାଇକ୍‌ରେ ବୁଲି ବୁଲି ଅସମାଜିକ ଯୁବକମାନଙ୍କ ଉପରେ ନଜର ରଖି, ସେମାନଙ୍କୁ ଧରି ଉତ୍ତମ ମଧ୍ୟମ ଶିକ୍ଷା ଦେଇ ଗିରଫ କରିଥିଲେ । ଲେଡି ସିଂଘମ ଜ୍ୟୋତିଙ୍କ ପରି ଯଦି ଅନ୍ୟ ଅଫିସରମାନେ ଦବଙ୍ଗ ହୋଇଯାନ୍ତେ ଦେଶରୁ ନିଶ୍ଚିତ ଭାବରେ ଅସାମାଜିକ କାର୍ଯ୍ୟ ଲୋପ ପାଇଯିବ ।
 
  • Tags:

Subscribe

National International State Sports Entertainment