କିଣାବିକା ହେଉଛି ଜୀବନ ବିନ୍ଦୁ
Khabar Odisha:Patients-deprived-of-getting-blood
ରାଉରକେଲା, ମେ ୧୧ (ଖବର ଓଡ଼ିଶା): ରକ୍ତର ବିକଳ୍ପ ନାହିଁ । ଏହାକୁ ଜୀବନର ବିନ୍ଦୁ ବୋଲି କୁହାଯାଏ । ରକ୍ତ ଅଭାବରେ କାହାକୁ ମରିବାକୁ ଦିଆଯିବ ନାହିଁ ବୋଲି ସଂକଳ୍ପ ନେଇ ସରକାରୀ ଓ ବେସରକାରୀ ସଂସ୍ଥାଗୁଡ଼ିକ ରକ୍ତଦାନ ଶିବିର ଜରିଆରେ ବ୍ଲଡ୍ ସାମ୍ପୁଲ୍ ଓ ରିକ୍ୟୁଜିସନ ନେଇ ବ୍ଲଡ୍ ବ୍ୟାଙ୍କ ଆଗରେ ପହେଂଚ । ଆଶା ଥାଏ ଚାହୁଁଥିବା ରକ୍ତ ମିଳିଯିବ, ରୋଗୀ ବଂଚିଯିବ । ହେଲେ ତାର ଆଶାକୁ ଫସର ଫଟାଇ ଦିଅନ୍ତି ରକ୍ତଭଣ୍ଡାରର କିଛି ଅସାଧୁ କର୍ମଚାରୀ ଆଉ ଦଲାଲ । ରାଉରକେଲା ସରକାରୀ ହସ୍ପିଟାଲରେ ଏଭଳି ଘଟଣା ଦେଖିବାକୁ ମିଳିଛି ।
 
ରକ୍ତ ସଂଗ୍ରହ ଦୃଷ୍ଟିରୁ ତୃତୀୟ ସ୍ଥାନରେ ଥିବା ରାଉରକେଲା ବ୍ଲଡ୍‌ ବ୍ୟାଙ୍କ୍‌ ବର୍ଷକୁ ୧୦୦ଟି ରକ୍ତଦାନ ଶିବିର ଦ୍ୱାରା ୫ହଜାର ୟୁନିଟ୍ ରକ୍ତ ସଂଗ୍ରହ କରିଥାଏ ।
 
ଏଠାକୁ ରକ୍ତ ପାଇଁ ପହଂଚୁଥିବା ରୋଗୀ ଓ ସଂପର୍କିୟମାନଙ୍କୁ କୁହାଯାଏ ରକ୍ତ ନେବାକୁ ହେଲେ ଦାତା ଯୋଗାଡ଼ କର। ବିନା ଦାତାରେ ଓ ବଦଳରେ ରକ୍ତ ଦିଆଯାଇ ପାରିବ ନାହିଁ । ଏହା ଅନେକ ପ୍ରଶ୍ନ ସୃଷ୍ଟି କରିଥାଏ । ରକ୍ତଦାନ ଶିବିରରୁ ଆସୁଥିବା ରକ୍ତ ଯାଏ କୁଆଡେ? ରୋଗୀ ପାଇଁ ରକ୍ତ ଯୋଗାଡ଼ର ଚିନ୍ତା ଥିବା ବ୍ୟକ୍ତି ଏ ପ୍ରଶ୍ନକୁ ନେଇ ଭାବିବା ଆଗରୁ ପହଂଚିଯାଏ ଦଲାଲ୍ । ଅଧିକ ସଂଗ୍ରହ ହେଉଥିବା ବର୍ଗର ରକ୍ତ ପାଇଁ ପ୍ୟାକେଟ ପ୍ରତି ୧୫୦୦ ଟଙ୍କା ଓ ବିରଳ ଗ୍ରୁପ୍ର ରକ୍ତ ପାଇଁ ୫ହଜାର ଟଙ୍କା ଦେବାକୁ କୁହାଯାଏ । ଏହି ବେପାରରେ ରକ୍ତ ଭଣ୍ଡାର କର୍ତୃପକ୍ଷ ସଂପୃକ୍ତ ଥିବାରୁ ଏପରି ର୍ୟାକେଟକୁ ଧରିବାରେ ପ୍ରଶାସନ ଗୁରୁତ୍ୱ ଦେଇ ନାହାନ୍ତି ବୋଲି ଅଭିଯୋଗ ହେଉଛି । ରକ୍ତଦାତାଙ୍କୁ ମଧ୍ୟ ରକ୍ତ ମିଳୁନଥିବା ଭଳି ଅଭିଯୋଗ କରିଛନ୍ତି ସୁଶାନ୍ତ ସୁତା ନାମକ ଜଣେ ରକ୍ତଦାତା । ସୁଶାନ୍ତଙ୍କ ପତ୍ନୀ ଏକ ସର୍ଜରୀ ପାଇଁ ରକ୍ତ ଆବଶ୍ୟକ କରୁଥିବାବେଳେ ମିଳିନଥିଲା । ରକ୍ତ ଭଣ୍ଡାର ସିଧାସିଧା ମନା କରିଦେଇଥିଲା । ସୁଶାନ୍ତଙ୍କ ଜଣେ ବନ୍ଧୁ ରକ୍ତ ଦେବା ପରେ ତାଙ୍କ ପତ୍ନୀଙ୍କ ଅପରେସନ୍ ହୋଇଥିଲା ।
  • Tags:

Subscribe

National International State Sports Entertainment