Home >
୧୨ଟି ଅତ୍ୟାବଶ୍ୟକ ଔଷଧ ଉପରୁ ରପ୍ତାନି କଟକଣା ହଟାଇଲେ ଭାରତ ସରକାର
Khabar Odisha:The-Indian-government-has-lifted-export-restrictions-on-12-essential-medicines
ନୂଆଦିଲ୍ଲୀ, ଏପ୍ରିଲ ୦୭ (ଖବର ଓଡ଼ିଶା):

କେନ୍ଦ୍ର ସରକାର ଆଜି ୧୨ ଟି ଅତ୍ୟାବଶ୍ୟକ ଔଷଧ ଏବଂ ୧୨ଟି ସକ୍ରିୟ ଫାର୍ମାସ୍ୟୁଟିକାଲ୍ ଉପାଦାନ (API) ରପ୍ତାନି ଉପରେ ଥିବା ପ୍ରତିବନ୍ଧକକୁ ହଟାଇ ଦେଇଥିବା ନେଇ ଘୋଷଣା କରିଛନ୍ତି । ତେବେ ପୂର୍ବଭଳି ପାରାସିଟାମୋଲ ରପ୍ତାନି ଉପରେ ପ୍ରତିବନ୍ଧକ ଜାରି ରହିବ ବୋଲି ସରକାର ସୂଚନା ଦେଇଛନ୍ତି | ତେବେ କରୋନା ଚିକିତ୍ସାରେ ଉପଯୋଗୀ ମ୍ୟାଲେରିଆ ଔଷଧ କ୍ଲୋରୋକୁଇନ୍ ରପ୍ତାନି ପାଇଁ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଅନୁରୋଧ ଉପରେ କୌଣସି ନିଷ୍ପତ୍ତି ବର୍ତ୍ତମାନ ପର୍ଯ୍ୟନ୍ତ ନିଆଯାଇ ନଥିବା ଜଣାପଡିଛି |

କଟକଣା ହଟାଇ ଦିଆଯାଇଥିବା ଔଷଧଗୁଡ଼ିକ ମଧ୍ୟରେ ଟିନିଡାଜୋଲ, ମେଟ୍ରାନିଡାଜୋଲ, ଏସିକ୍ଲୋଭିର, ଭିଟାମିନ୍ ବି 1, ଭିଟାମିନ୍ ବି 6, ଭିଟାମିନ୍ ବି 12, କ୍ଲୋରାମଫେନିକୋଲ ଅନ୍ତର୍ଭୁକ୍ତ। ବାଣିଜ୍ୟ ମହାନିର୍ଦ୍ଦେଶାଳୟ ଦ୍ୱାରା ଜାରି ବିଜ୍ଞପ୍ତି ଅନୁଯାୟୀ ପାରାସିଟାମୋଲ ଏବଂ ପାରାସିଟାମୋଲରେ ନିର୍ମିତ ଅନ୍ୟ ଔଷଧ ଉପରେ ରପ୍ତାନି ପ୍ରତିବନ୍ଧକ ପୂର୍ବପରି ଜାରି ରହିବ।

ଏହି ଔଷଧ ଉତ୍ପାଦନ ମୁଖ୍ୟତଃ ଚାଇନାରୁ ଆସୁଥିବା କଞ୍ଚାମାଲ ଉପରେ ନିର୍ଭର କରୁଥିଲା | ଯେତେବେଳେ କରୋନା କାରଣରୁ ଚାଇନାର କାରଖାନା ବନ୍ଦ ହୋଇଗଲା ଏବଂ ସକ୍ରିୟ ଗ୍ରେଡିଏଣ୍ଟ୍ ଅର୍ଥାତ୍ କଞ୍ଚାମାଲ ଆସିବା ବନ୍ଦ କଲା, ସେତେବେଳେ ସେମାନଙ୍କର ରପ୍ତାନି ଉପରେ ପ୍ରତିବନ୍ଧକ ଲଗାଗଲା ଯାହା ଦ୍ୱାରା ଦେଶରେ ଔଷଧର ଅଭାବ ରହିବ ନାହିଁ। ତେବେ ଚୀନରେ ଧୀରେ ଧୀରେ ସ୍ଥିତି ସୁଧୁରୁଥିବାରୁ ଔଷଧ ରପ୍ତାନି କଟକଣାକୁ କୋହଳ କରାଯାଇଥିବା ନେଇ ସୂଚନା ଦେଇଛନ୍ତି କେନ୍ଦ୍ର ସରକାର।

  • Tags:

Subscribe

National International State Sports Entertainment