ପୁଣି ମୁହାଁମୁହିଁ ହେଲେ ପୋଲିସ -ମାଓବାଦୀ । ମାଓବାଦୀଙ୍କ ହିଂସାତ୍ମକ କାର୍ଯ୍ୟ ବଢ଼ିବାରେ ଲାଗିଛି । ଯାହା ଚିନ୍ତାର କାରଣ ପାଲଟିଛି । ସୂଚନା ଅନୁସାରେ, ଆଜି ସକାଳୁ ବରଗଡ଼ ଜିଲ୍ଲା ପାଇକମାଳ ଜଙ୍ଗଲରେ  ପୋଲିସ -ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ପାଇକମାଳ ଜଙ୍ଗଲରେ ମାଓବାଦୀ ଲୁଚି ରହିଥିବା ଖବର ପୋଲିସ ପାଇଥିଲା ପରେ ଉକ୍ତ ଅଞ୍ଚଳରେ ସର୍ଚ୍ଚ ଅପରେସନ୍ ଜାରି କରାଯାଇଥିଲା। ମାଓବାଦୀମାନେ ଏ ଖବର ଜାଣି ପାରି ପୋଲିସଙ୍କ ଉପରକୁ ଗୁଳି ଚାଳନ କରିଥିଲେ ।

କିଛି ସମୟ ମଧ୍ୟରେ ଏହି  ସର୍ଚ୍ଚ ଅପରେସନ୍ ଗୁଳି ବିନିମୟରେ ପରିଣତ ହୋଇଯାଇଥିଲା । ଗୁଳି ବିନିମୟରେ କ୍ଷୟକ୍ଷତି ଓ ଆହତଙ୍କର କୌଣସି ସୂଚନା ମିଳିନାହିଁ । ଉକ୍ତ ଅଞ୍ଚଳରେ ମଧ୍ୟ ବର୍ତ୍ତମାନ ସର୍ଚ୍ଚ ଅପରେସନ୍ ଜାରି ରହିଛି ବୋଲି ସୂଚନା ମିଳିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳର ଲୋକମାନେ ଭୟଭୀତ ହୋଇଯାଇଛନ୍ତି  ।

ଆଗକୁ ପଢ଼ନ୍ତୁ : ୨ ଗ୍ରାମବାସୀଙ୍କୁ ହତ୍ୟା କଲେ ମାଓବାଦୀ