ହଲିଉଡ ଚଳଚ୍ଚିତ୍ର ଜଗତର ଜଣାଶୁଣା ଅଭିନେତ୍ରୀ କ୍ରର୍ଷ୍ଟି ଏଲେଙ୍କ ଦେହାନ୍ତ। ଦୀର୍ଘଦିନ ଧରି କର୍କଟ ରୋଗ ସହିତ ସଂଘର୍ଷ କରି ଶେଷରେ ୭୧ ବର୍ଷ ବୟସରେ ସେ ଦୁନିଆକୁ ଛାଡିଛନ୍ତି | ଟିଭି କମେଡି ଶୋ ‘ଚିୟର୍ସ’ ରୁ ସେ ଅଭିନୟ ଜଗତ ରେ ପାଦ ଥାପିଥିଲେ । ଏଲେଙ୍କ ମୃତ୍ୟୁକୁ ନେଇ ତାଙ୍କର ଦୁଇ ସନ୍ତାନ ଟ୍ରୁ ଷ୍ଟିଭେନ୍ସନ୍ ଏବଂ ଲିଲି ପାର୍କର ଷ୍ଟିଭେନ୍ସନ୍ ଇନ୍ଷ୍ଟଗ୍ରାମ ରେ ଏକ ବିବୃତ୍ତିରେ କହିଛନ୍ତି ଯେ ଆପଣଙ୍କୁ ଜଣାଇବାକୁ ଦୁଃଖିତ ଯେ ଆମ ମା କର୍କଟ ରୋଗରେ ପୀଡିତ ଥିଲେ। ପରିବାର ତରଫରୁ କୁହାଯାଇଛି କି ଆମ ମା’ଙ୍କ ପ୍ରତି ଥିବା ଉତ୍ସାହ ତାଙ୍କ ପିଲା, ନାତି ସ୍ନେହ କେବେ ଭୁଲି ପାରିବୁନି। ସେ ଯେଉଁ ସୁଖ ସହିତ ଜୀବନ ବିତାଇଥିଲେ ଆମେ ବର୍ଣ୍ଣନା କରିପାରିବୁ ନାହିଁ । ସେ ଆମକୁ ଜୀବନ ବଞ୍ଚିବାକୁ ପ୍ରେରଣା ଦେଇଥିଲେ ଏବଂ ଆମର ପ୍ରେରଣା ଥିଲେ | ନିକଟରେ ତାଙ୍କର କର୍କଟ ରୋଗ ଡାୟଗ୍ରୋଜ୍ କରାଯାଇଥିଲା। ସେ ତାଙ୍କ ପରିବାର ସହିତ ରହୁଥିଲେ। ଅଭିନେତ୍ରୀଙ୍କ ବ୍ୟତୀତ ସେ ଜଣେ ଭଲ ମା ଏବଂ ଜେଜେମା ମଧ୍ୟ ଥିଲେ । ତାଙ୍କ ପିଲାମାନେ କହିଛନ୍ତି, ଫ୍ଲୋରିଡାର ମଫିଟ କ୍ୟାନସର ସେଣ୍ଟରରେ ଏଲେ ଚିକିତ୍ସିତ ହେଉଥିଲେ। ଏଥିପାଇଁ ମଫିଟ୍ କ୍ୟାନସର ସେଣ୍ଟରରର ଡାକ୍ତର ଏବଂ ନର୍ସଙ୍କ ଅବିଶ୍ୱସନୀୟ ଟିମ୍କୁ କୃତଜ୍ଞତା ଜଣାଇଛନ୍ତି।ଏହା ବ୍ୟତୀତ ଏହା ମଧ୍ୟ କୁହାଯାଇଥିଲା ଯେ ଏହି କଷ୍ଟ ସମୟରେ ପରିବାରର ଗୋପନୀୟତାକୁ ସମ୍ମାନ ଦିଅନ୍ତୁ। ୧୯୯୧ରେ, କମେଡି ଶୋ ‘ଚିୟର୍ସ’ ପାଇଁ ଏଲେଙ୍କୁ ଏମି ପୁରସ୍କାର ଏବଂ ଗୋଲଡେନ୍ ଗ୍ଲୋବ ପ୍ରଦାନ କରାଯାଇଥିଲା । ଅନେକ ଫିଲ୍ମ ସିରିଏଲ୍ ଶୋ’ ପାଇଁ ସେ ବହୁ ପୁରସ୍କାର ପାଇଛନ୍ତି। ତାଙ୍କର ଏହି ବିୟୋଗ ରେ ପ୍ରଶଂସକ ମହଲରେ ଦୁଃଖ ଛାୟା ଖେଳି ଯାଇଛି |