ଘରୁ କଳାକନା ବୁଲାଇଲେ ଦୁର୍ବୁତ୍ତ । ଘରେ ପଶି ସୁନା ଓ ରୁପା ଗହଣା ଟଙ୍କା ସବୁକିଛି ଲୁଟିନେଲେ ଲୁଟେରା । ଦିନକୁ ଦିନ ବଢି ଚାଲିଛି ଲୁଟେରା ମାନଙ୍କ ଲୁଟପାଟ । ରାତି ଅଧରେ ଲୁଟେରାମାନେ ଆତଙ୍କ ଖେଳାଇଛନ୍ତି । ଏଭଳି ଲୁଟ ପାଇଁ ଭୟରେ ରାତି ବିତାଉଛନ୍ତି ସାଧାରଣ ଲୋକେ । ଏଭଳି ଅଘଟଣ ସାମ୍ନାକୁ ଆସିଛି ପୁରୀ ଜିଲ୍ଲାରୁ । ଏନେଇ ଅଭିଯୋଗ କରିଛନ୍ତି ଘର ମାଲିକ । 

ସୂଚନା ଅନୁଯାୟୀ,ପୁରୀ ଜିଲ୍ଲା ଗଡିଶାଗୋଦା ଥାନା ଅନ୍ତର୍ଗତ ବିରତୋଇ ଗ୍ରାମର ଏକ ଘରେ ରାତି ଅଧରେ ଦୁର୍ବୁତ୍ତମାନେ ପଶିଥିଲେ । ଘରେ ଥିବା ଗଡରେଜ୍ ଭାଙ୍ଗି ତିନୋଟି ଟ୍ରଙ୍କ ଟେକି ନେଇ ବାରିପଟେ ଟ୍ରଙ୍କ ଭାଙ୍ଗି ସେଥିରେ ଥିବା ସୁନା ଓ ରୂପାଗହଣା ନଗଦ ୧୦୦୦୦ ହଜାର ଟଙ୍କା ଲୁଟିନେଇଥିଲେ । ଏହାପରେ ଘରୋଇ଼ଜନକ ଥାନାରେ ଲିଖିତ ଅଭିଯୋଗ କରିଥିଲେ । ଟଙ୍କା ଅଭିଯୋଗ କ୍ରମେ ଗଡିଶାଗୋଦା ପୋଲିସ ଘଟଣାସ୍ଥଳରେ ପହଞ୍ଚି ଭଙ୍ଗା ଟ୍ରଙ୍କ ୩ଟିକୁ ଜବତ କରି ତଦନ୍ତ ଆରମ୍ଭ କରିଛି। ବର୍ତ୍ତମାନ ପର୍ଯ୍ୟନ୍ତ ଲୁଟେରା ମାନଙ୍କ ପତ୍ତା ନ ପାଇବାରୁ ପୋଲିସ ତଦନ୍ତ ଜାରି ରଖିଛି ।