କୋରାପୁଟ: କୋରାପୁଟ ଜିଲ୍ଲା ବୋରିଗୁମ୍ମା ଅଞ୍ଚଳରେ ଏକ ଚାଞ୍ଚଲ୍ୟକର ଘଟଣା ଘଟିଛି । ଏକ ଜମିରେ ନାବାଳିକା ଜଣକ ଖେଳୁଥିବା ସମୟରେ କୁକୁର ଆକ୍ରମଣରେ ମୃତ୍ୟୁ ହୋଇଛି । ଏହି ଘଟଣା ପରେ ସାରା ଅଞ୍ଚଳରେ କୁକୁର ଆତଙ୍କ ଖେଳିଯାଇଛି। 

ସୂଚନା ଅନୁସାରେ, ନାବାଳିକା ଜଣକ ମଙ୍ଗବାର ନିଜ ଭାଇ ସହିତ ଏକ ଜମିରେ ଖେଳୁଥିବା ସମୟରେ କୁକୁରପଲ ତାଙ୍କୁ ଆକ୍ରମଣ କରିଥିଲେ । ଫଳରେ ନାବାଳିକା ଜଣକ ଜୋରରେ ଚିତ୍କାର କରିବା ସହିତ ନିଜକୁ ବଞ୍ଚେଇବା ପାଇଁ ଦୌଡ଼ିଥିଲେ । କିନ୍ତୁ ଦୁର୍ଭାଗ୍ୟବଶତଃ , କୁକୁର ପଲ ନାବାଳିକା ଝୁଣି ରକ୍ତାକ୍ତ କରିଦେଇଥିଲେ। ନାବାଳିକା ଜଣକ କୁକୁର ମୁହଁରୁ ବଞ୍ଚିବା ପାଇଁ ଘରକୁ ଦୌଡ଼ି ଆସିବା ସମୟରେ ମଧ୍ୟ କୁକୁର କୁନି ଝିଅକୁ ଝୁଣି ଦେଇଥିଲେ । କୁନି ଝିଅକୁ ତୁରନ୍ତ ଗୁରୁତର ଅବସ୍ଥାରେ  କୁମୁଲିପୁଟ ମେଡିକାଲରେ ଭର୍ତ୍ତି କରିଥିଲେ । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣା ପରେ ପରିବାରରେ ଶୋକର ଛାୟା ଖେଳିଯାଇଛି ।