ଭୁବନେଶ୍ୱର: ଆଜି ସକାଳୁ ଭୁବନେଶ୍ୱରରେ ହୋଇଥିବା ବିଭତ୍ସ ହତ୍ୟା ଘଟଣାରେ ମୃତକଙ୍କ ପରିଚୟ ମିଳିଛି । ମୃତ ଯୁବକ ହେଉଛନ୍ତି ସ୍ଥାନୀୟ କେଦାରପଲ୍ଲୀ ବସ୍ତିର ସହଦେବ ନାୟକ । କିନ୍ତୁ ଏ ପର୍ଯ୍ୟନ୍ତ ହତ୍ୟାର କାରଣ ଅସ୍ପଷ୍ଟ ରହିଛି। ପୋଲିସ ଓ ସାଇଣ୍ଟିଫିକ ଟିମ ଘଟଣାର ତଦନ୍ତ କରୁଛନ୍ତି । କେଉଁ କାରଣରୁ ଦୁର୍ବୃତ୍ତ ସହଦେବଙ୍କୁ ଏପରି ନିର୍ମମ ଭାବରେ ହତ୍ୟା କରିଛନ୍ତି ତାହା ଏବେ ସନ୍ଦେହ ଘେରରେ ରହିଛି ।
ଭୁବନେଶ୍ୱରର ରସୁଲଗଡ଼ ଓଭର ବ୍ରିଜ ଉପରେ ଆଜି ସକାଳୁ ଜଣେ ଯୁବକଙ୍କୁ ଧାରୁଆ ଅସ୍ତ୍ରରେ ଦୁର୍ବୃତ୍ତ ହାଣିଥିଲେ । ଶରୀରରୁ ମୁଣ୍ଡକୁ ଅଲଗା କରିଦେଇଥିଲେ । ବେକ ଓ ଗୋଡ଼ରେ ଗଭୀର ଆଘାତ ଲାଗିଥିବାର ସୂଚନା ମିଳିଛି। ସ୍ଥାନୀୟ ଲୋକ ଏନେଇ ପୋଲିସକୁ ଖବର ଦେଇଥିଲେ । ଖବର ପାଇ , ପୋଲିସ ଘଟଣାର ତଦନ୍ତ ଜାରି କରିଛି ।