ଭୁବନେଶ୍ୱର : ରାଜଧାନୀ ଭୁବନେଶ୍ୱର ବାଣ ଗୋଦାମରେ ବଡ ଧରଣର ଅଗ୍ନିକାଣ୍ଡ ଘଟିଛି । ଇନଫୋସିଟି ଚୁନୁକୋଳି ବସ୍ତି ନିକଟରେ ଥିବା ବାଣ ଗୋଦାମରେ ଏଭଳି ଭୟାବହ ଅଗ୍ନିକାଣ୍ଡ ଘଟିଛି । ଖବର ପାଇ ପାଇଁ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ଏତେ ବଡ ବିସ୍ପୋରଣରେ କେହି ମୃତାହତ ହୋଇଥିବା ସୂଚନା ନାହିଁ। କେବଳ ଘରର ଆସବାବପତ୍ର ପୋଡିଯାଇଥିବାବେଳେ ଘରର ଛାତ ଫାଟି ଯାଇଛି। 

ସୂଚନା ଅନୁଯାୟୀ ବାଣ ମାଲିକ ନିଜ ଘରେ ହିଁ ବାଣ ଗୋଦାମ କରିଥିଲେ କେବଳ ସେତିକି ନୁହଁ ତାଙ୍କ ଘରେ ଏକ ଲେଡିଜ୍ ହଷ୍ଟେଲ ମଧ୍ଯ ଚାଲିଥିଲା। ତେବେ ଏପରି ପରିବେଶରେ କିପରି ମାଲିକ ଜଣକ ସେଠାରେ ବାଣ ରଖିଥିଲେ ତାହା ଏବେ ଚର୍ଚ୍ଚାର ବିଷୟ ହୋଇଛି। ଘଟଣା ପରେ ମାଲିକ ଜଣକ ଫେରାର ଥିବା ଜଣାପଡିଛି।