ଭବାନୀପୁର ସମରସଜ୍ଜା: ଦିଦିଙ୍କ ବିପକ୍ଷରେ ନାମାଙ୍କନ ପତ୍ର ଦାଖଲ କଲେ ପ୍ରୀୟଙ୍କା ଟିବ୍ରେୱାଲ
Khabar Odisha:BJP-candidate-for-Bhabanipur-by-poll-Priyanka-Tibrewal-files-her-nomination

କୋଲକାତା, ସେପ୍ଟେମ୍ବର ୧୩ (ଖବର ଓଡ଼ିଶା): ଜୋର ଧରିଲାଣି ପଶ୍ଚିମବଙ୍ଗ ଉପନିର୍ବାଚନ ରାଜନୀତି । ଭବାନୀପୁର ବିଧାନସଭା ଆସନ ପାଇଁ ମୁହାଁମୁହିଁ ହେବାକୁ ଯାଉଛନ୍ତି ଦୁଇ ହେଭିୱେଟ୍ ନେତ୍ରୀ । ଦିଦିଙ୍କ ଗଡରେ ଦିଦିଙ୍କୁ ଚେକ୍‌ମେଟ୍ ଦେବା ପାଇଁ ବିଜେପି ପ୍ରସ୍ତୁତ କରିଛି ସ୍ୱତନ୍ତ୍ର ରଣନୀତି ।

ଆଜି ଭବାନୀପୁର ଆସନ ପାଇଁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିପକ୍ଷରେ ନାମାଙ୍କନ ପତ୍ର ଦାଖଲ କରିଛନ୍ତି ବିଜେପି ପ୍ରାର୍ଥୀ ପ୍ରୀୟଙ୍କା ଟିବ୍ରେୱାଲ । 

ଏବେ ଭବାନୀପୁରରରେ ରାଜନୀତିକ ମାହୋଲ ସରଗରମ ହୋଇଥିବା ବେଳେ ଉଭୟ ପାର୍ଟିର ହେଭିୱେଟ୍ ନେତା ନେତ୍ରୀ ମାନେ ଭବାନୀପୁରରେ ଡେରା ପକାଇବା ଆରମ୍ଭ କଲେଣି । ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ନିଜେ ଉପନିର୍ବାଚନରେ ପ୍ରାର୍ଥୀ ହୋଇଥିବାରୁ ଭବାନୀପୁର ଉପନିର୍ବାଚନ ଉପରେ ସମସ୍ତଙ୍କ ନଜର ରହିଛି ।

ପୂର୍ବରୁ ଦିଦି ନନ୍ଦୀଗ୍ରାମରେ ଶୁଭେନ୍ଦୁ ଅଧିକାରୀଙ୍କ ଠାରୁ ହାରିବା ପରେ ଭବାନୀପୁରରେ ଆସନ ପାଇଁ ଛିଡା ହୋଇଛନ୍ତି । ଏପଟେ ବିଜେପି ମଧ୍ୟ ଦିଦିଙ୍କୁ ଚେକ୍‌ମେଟ୍ ଦେବା ପାଇଁ ନିଜର ସ୍ୱତନ୍ତ୍ର ରଣନୀତୀ ପ୍ରସ୍ତୁତ କରିଛି ।

ପ୍ରୀୟଙ୍କା ଟିବ୍ରେୱାଲ ବିଜେପିର ଜଣେ ହେଭି ୱେଟ୍ ନେତ୍ରୀ ହୋଇଥିବା ବେଳେ ଆସନ୍ତା ୩୦ ତାରିଖରେ ଭବାନୀପୁରରେ ମମତା ବାନାର୍ଜୀଙ୍କ ବିପକ୍ଷରେ ନିର୍ବାଚନ ଲଢିବାକୁ ଯାଉଛନ୍ତି ।

ତେବେ ଆସନ୍ତା ସେପ୍ଟେମ୍ବର ୩୦ରେ ଭବାନୀପୁର ଉପନିର୍ବାଚନ ହେବାକୁଥିବା ବେଳେ ୨୦ ତାରିଖରୁ ପ୍ରଚାର ଆରମ୍ଭ ହେବ । ମାତ୍ର ୮ ଦିନର ପ୍ରଚାର ମଧ୍ୟରେ କିଏ ମାରିବ ଭବାନୀପୁର ବାଜି ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା ।

  • Tags:

Subscribe

National International State Sports Entertainment